ឥរិយាបថខ្លះៗក្នុងពេលទំនាក់ទំនងអាជីវកម្មដែលអ្នកគួរស្វែងយល់ elc.polyu.edu.hk
១) ក្រោកឈរនៅពេលដែលអ្នកកំពុងណែនាំខ្លួនទៅនរណាម្នាក់
ការក្រោកឈរដើម្បីគឺជារឿងមួយដ៏ល្អនៅពេលដែលអ្នកកំពុងណែនាំខ្លួនទៅកាន់នរណាមួយ ដែលនេះជាសកម្មភាពបង្ហាញពីការគោរពគ្នាទៅវិញទៅមក ហើយថែមទាំងអាចជួយទាញចំណាប់អារម្មណ៍មនុស្សដទៃបានទៀតផងនៅពេលអ្នកក្រោកឈរហើយណែនាំខ្លួន។ ប្រសិនបើអ្នកពិបាកក្រោកឈរឬកាលៈទេសៈមួយដែលអ្នកមិនអាចឈរបានអ្នកគួរតែអោនក្បាលទៅមុខបន្តិចដើម្បីជំនួសឲ្យការក្រោកឈររបស់អ្នក។
២) ប្រាប់ឈ្មោះពេញទៅកាន់ដៃគូពិភាក្សា
នៅក្នុងវិស័យអាជីវកម្ម អ្នកគួរតែប្រើប្រាស់ឈ្មោះពេញរបស់អ្នក ហើយប្រសិនប្រើឈ្មោះរបស់អ្នកវែងពេកពិបាកចាំ ឬ ពិបាកនិយាយអ្នកត្រូវព្យាយាមកាត់ឈ្មោះរបស់អ្នកឲ្យខ្លី ហើយវិធីដ៏ល្អមួយទៀតប្រសិនអ្នកគិតថាឈ្មោះរបស់អ្នកវែងពេកអ្នកគួរតែឲ្យនាមប័ណ្ណហើយណែនាំតាមក្រោយ។
៣) អ្នកត្រូវចាប់ផ្តើមមុនក្នុងការចាប់ដៃ ប្រសិនបើអ្នកមានឋានៈខ្ពស់ជាងឬអ្នកជាម្ចាស់ផ្ទះ។ នៅក្នុងកន្លែងធ្វើការ នៅផ្ទះ ឬ អ្នកជាបុគ្គលដែលមានឋានៈខ្ពស់ជាងអ្នកដទៃ និងមិនត្រូវគិតពីភាព Gender នោះទេអ្នកគួរតែជាអ្នកចាប់ផ្ដើមចាប់រលាក់ដៃមុនពួកគេ។ នៅសហរដ្ឋអាមេរិកការចាប់រលាក់ដៃគ្នាគឺជាការស្វាគមន៍គ្នាក្នុងវិស័យអាជីវកម្មមួយដ៏ល្អ។
៤) ស្លៀកពាក់របៀបផ្លូវការ
ការស្លៀកពាក់គឺជាផ្នែកមួយសំខាន់នៃការទំនាក់ទំនង ដោយមិនចាំបាច់ត្រូវនិយាយឆ្លងឆ្លើយក៏បាន ព្រោះការស្លៀកពាក់សមរម្យបែបផ្លូវការ គឺបានបង្ហាញដល់អ្នកដទៃពីកិត្តិយសនិងភាពមានវិជ្ជាជីវៈរបស់ខ្លួនអ្នក ។ ដូច្នេះការស្លៀកពាក់សមរម្យតាមប្រភេទកម្មវិធីនិមួយៗ គឺជាសារមួយដែលអ្នកអាចផ្ញើជូនមនុស្សគ្រប់រូប ថាអ្នកជាមនុស្សយល់ដឹងពីសង្គម។
៥) ត្រូវនិយាយពាក្យអគុណម្តងឬ ពីរ ដងក្នុងពេលសន្ទនាជាមួយដៃគូ
អ្នកគួរតែនិយាយពាក្យអគុណទៅកាន់ដៃគូពិភាក្សាយ៉ាងហោចណាស់ម្តង ឬ ពីរដង ក្នុងពេលចរចា ព្រោះវាបង្ហាញពីការពេញចិត្តនិងភាពត្រូវការរបស់ពីដៃគូ ប្រសិនបើអ្នកមិនបាននិយាយពាក្យអគុណទេ វាអាចបង្ហាញពីការអស់សង្ឃឹម ឬ ភាពមិនត្រូវការពីដៃគូចរចា។
៦) ផ្ញើលិខិតអគុណ ផ្សេងៗពីគ្នាទៅកាន់មនុស្សពាក់ព័ន្ធ
អ្នកគួរតែផ្ញើនូវលិខិតអគុណផ្សេងៗពីគ្នាក្នុងរង្វង់ពេល ២៤ ម៉ោង ទៅកាន់មនុស្សដែលអ្នកចង់អគុណ ។ អ្នកត្រូវគិតជាមុនថាគួរប្រើសារអេឡិចត្រូនិក ឬ ការសរសេរដោយដៃផ្ទាល់ ទៅតាមលក្ខខ័ណ្ឌជាក់ស្ដែង។
៧) ត្រូវទុកទូរស័ព្ទក្នុងហោប៉ាវ មិនត្រូវកាន់នឹងដៃ
មនុស្សគ្រប់រូបតែងតែយកទូរស័ព្ទដាក់ជាប់តាមខ្លួនជានិច្ច ហើយជាពិសេសអ្នកគួរជៀសវាងការកាន់ទូរស័ព្ទនៅនឹងដៃ ពេលកំពុងពិភាក្សាគ្នាព្រោះវាជាសកម្មភាពមិនសមរម្យមួយនៅចំពោះមុខអ្នកដទៃ។
0 comments:
Post a Comment