១) នៅពេលអ្នកដទៃលួចចម្លងស្នាដៃពីអ្នក
បញ្ហានៃការលួចចម្លងស្នាដៃគឺជាពេលវេលាដែលបង្ហាញពីការពិតនៃភាពជោគជ័យក្នុងអាជីវកម្មរបស់អ្នក ពីគូប្រជែងដទៃ។ នៅពេលដែលរឿងនេះកើតឡើង គឺជាពេលដែលអ្នកគួរតែផ្ដោតសំខាន់ទៅលើកេរ្តិ៍ឈ្មោះផលិតផលវិញម្ដងដើម្បីបង្កភាពទាក់ទាញពីសំណាក់អ្នកប្រើប្រាស់ អតិថិជន ឲ្យគេងាយចាំ។ ដូច្នេះនៅពេលដែលមានការលួចចម្លងស្នាដៃកើតឡើង នោះមានន័យថាគឺជាពេលដែលអ្នកគួរផ្ដោតសំខាន់ទៅលើឈ្មោះយីហោរបស់ផលិតផលរបស់អ្នកទៅកាន់មហាជនគ្រប់រូបតាមដែលអាចធ្វើទៅបាន ព្រោះនៅពេលកេរ្តិ៍ឈ្មោះល្បីហើយអ្នកអាចបង្កើតផលិតផលផ្សេងណាមួយទៀតដែលជាតម្រូវការអតិថិជន ដែលគេនឹងអាចចំណាយប្រាក់មកលើផលិតផលដើមបានកាន់តែច្រើន។
២) នៅពេលដែលអ្នកទទួលបានភាពជោគជ័យចេញពីការខំប្រឹងខ្លួនឯងដោយពុំមានការជួយពីបុគ្គលដទៃ
នៅពេលដែលអ្នកចាប់ផ្ដើមបើកអាជីវកម្មថ្មីណាមួយ ហិរញ្ញវត្ថុគឺមានកំណត់ ដូច្នេះអ្នកអាចនឹងត្រូវរយៈពេលមួយរយៈ ដើម្បីទទួលបានប្រាក់ចំណូល១០០% ស្មើនឹងការចំណាយរបស់អ្នកមកវិញដែលអាចតម្រូវឲ្យអ្នកចំណាយពេលរាប់ខែ ឬ ដល់ឆ្នាំឯណោះ ។ ប៉ុន្តែនៅពេលដែលអ្នកទទួលបានចំណូលមកវិញច្រើនជាងការចំណាយ នោះគឺជាពេលដែលអ្នកចាប់ផ្ដើមផ្ដោតសំខាន់លើការអភិវឌ្ឍយីហោផលិតផលរបស់អ្នកវិញម្ដងដល់សាធារណៈ ឬតាមបណ្ដាញសង្គម ដើម្បីធ្វើឲ្យមានភាពស៊ីសង្វាក់គ្នារវាងផលិតផលនិងយីហោក្រុមហ៊ុន ។
៣) នៅពេលដែលទីផ្សារលក់ផលិតផលរបស់ខ្លួនមានការកើនឡើង
ផ្នែកមួយដ៏លំបាកក្នុងការបង្កើនការលក់ផលិតផលរបស់ខ្លួន គឺនៅពេលដែលអតិថិជនមិនបានស្គាល់ផលិតផល ឬ ម៉ាកយីហោរបស់អ្នកពីមុន ដូច្នេះវាអាចធ្វើឲ្យអ្នកបាត់បង់ទីផ្សាររបស់ខ្លួន។ ហេតុដូចនេះអ្វីដែលអ្នកគួរយកចិត្តទុកដាក់គឺគ្រប់គ្រងទៅលើអតិថិជន ម៉ាកយីហោ និងគុណភាពរបស់ផលិតផល ឬ សេវាកម្មខ្លួន ។ នៅពេលដែលអ្នកទទួលបានជោគជ័យលើការពង្រីកទីផ្សារលក់របស់ខ្លួនហើយ អ្វីដែលអ្នកគួរផ្ដោតសំខាន់ជាចម្បងមុនគេគឺម៉ាកយីហោ ដើម្បីបន្តទាក់ទាញអតិថិជន។
0 comments:
Post a Comment