១) ត្រូវស្គាល់ច្បាស់ពីតម្លៃរបស់ខ្លួន
ដើម្បីបញ្ចៀសទស្សនៈរបស់អ្នកដទៃ ដែលធ្វើឲ្យអ្នកមានការព្រួយកង្វល់ គន្លឹះសំខាន់គឺអ្នកត្រូវតែយល់ពីតម្លៃរបស់ខ្លួន ពីសារសំខាន់របស់ខ្លួនឯង ហើយនិងកន្លែងណាដែលអ្នកខ្លួនឯងចង់ទៅ។ នៅពេលដែលអ្នករក្សានូវគុណតម្លៃរបស់ខ្លួន រក្សានូវទស្សនៈរបស់ខ្លួនដែលយល់ថាត្រូវ អ្នកនឹងអាចកាត់បន្ថយនូវទម្ងន់កង្វល់នៃទស្សនៈមនុស្សដទៃមកលើខ្លួនអ្នក។
២) បញ្ឈប់ការវិនិច្ឆ័យមកលើខ្លួនឯង
ប្រសិនបើអ្នកមិនចង់ឲ្យមនុស្សដទៃមកវិនិច្ឆ័យខ្លួនអ្នក នោះអ្នកខ្លួនឯងក៏ត្រូវការកាត់បន្ថយភាពរិះគន់ចេញពីក្នុងខ្លួនឯងផ្ទាល់ដែរ។ មានពេលខ្លះមនុស្សយើងតែងបន្ទោសខ្លួនឯងម្ដងហើយម្ដងទៀតដោយវិនិច្ឆ័យទៅលើចំណុច ឬ ការសម្រេចចិត្តណាមួយដែលខ្លួនបានប្រព្រឹត្តជាកំហុសឡើង។
៣) ត្រូវគិតថាកំហុសគឺអាចកើតឡើងគ្រប់ពេល
គ្មាននរណាម្នាក់អាចជៀសផុតពីការបង្កើតកំហុសនោះទេ ជាពិសេសនៅពេលដែលនរណាម្នាក់មកវិនិច្ឆ័យទៅលើសកម្មភាពដែលអ្នកកំពុងប្រព្រឹត្តិនោះអ្នកមិនអាចជៀសរួចឡើយ ដូច្នេះអ្នកត្រូវមានគំនិតថាកំហុសគឺកើតឡើងគ្រប់ពេល ប្រសិនបើមនុស្សដទៃមកវិនិច្ឆ័យលើអ្នក ហេតុដូចនេះគ្មានអ្វីគួរភ័យខ្លាច ជាងគំនិតភ័យខ្លាចរបស់ខ្លួនឡើយ។
៤) ត្រូវសម្រេចចិត្តឲ្យបានលឿន ប៉ុន្តែមិនត្រូវផ្លាស់ប្តូរការគិតក្នុងចិត្តអ្នកលឿនពេកនោះទេ
នៅពេលដែលអ្នកព្រួយបារម្ភពីអ្នកដទៃដែលកំពុងគិតមកលើខ្លួនអ្នក វាអាចជារឿងលំបាកក្នុងការសម្រេចចិត្តធ្វើអ្វីមួយ ទោះបីជាការសម្រេចចិត្តនោះទៅលើរឿងមួយដ៏សាមញ្ញក៏ដោយ។ ដូច្នេះអ្នកគួរចងចាំខ្លួនឯងថាគួរតែមានការសម្រេចចិត្តឲ្យបានលឿន ប៉ុន្តែសម្រាប់ចិត្តរបស់អ្នកវិញមិនត្រូវផ្លាស់ប្ដូរលឿនដូចមាត់របស់អ្នកនោះទេ។
៥) ស្ដាប់យោបល់អតិថិជនរបស់ខ្លួន
គ្រប់បុគ្គលជោគជ័យដែលជាសហគ្រិន គឺពួកគេតែងចំណាយពេលវេលាដើម្បីស្ដាប់យ៉ាងយកចិត្តទុកដាក់ ទៅលើអតិថិជនរបស់ខ្លួន។ ការធ្វើដូចនេះបង្ហាញពីភាពខុសប្លែកគ្នាធំៗចំនួន ពីរ ទៅលើភាពភ័យខ្លាចនៃការរិះគន់ និង ការព្រងើយកន្តើយនៃអតិថិជន ក្នុងតម្រូវការទីផ្សារ។ នៅពេលដែលគេរិះគន់គឺជាពេលដែលអ្នកគួរតែពិនិត្យឡើងវិញនូវសកម្មភាពរបស់ខ្លួន ដោយអ្នកអាចធ្វើការកែតម្រូវវាឲ្យបានល្អប្រសើរ និងត្រូវតាមតម្រូវការ។
0 comments:
Post a Comment