១) មិនបានពិពណ៌នាមុខតំណែងការងារឲ្យបានពេញលេញ
សម្រាប់អ្នកដែលស្វែងការងារ ការបរិយាយស្តីពីមុខតំណែងដែលក្រុមហ៊ុននីមួយៗប្រកាសគឺជាទម្រង់ដំបូងបំផុតនៃការទំនាក់ទំនងរបស់អ្នកស្វែងរកការងារ ជាមួយនឹងក្រុមហ៊ុន។ ប្រសិនបើការប្រកាសនោះមានភាពមិនលម្អិត មិនសូវមានលក្ខណៈបែបវិជ្ជាជីវៈ ឬ មិនបានសរសេរឲ្យចប់ចុងចប់ដើម អាចធ្វើឲ្យអ្នកដែលមានសមត្ថភាពទាំងឡាយ មានការរារែកចិត្តក្នុងការដាក់ពាក្យស្នើសុំការងារមកកាន់ក្រុមហ៊ុនរបស់អ្នក។
ប៉ុន្តែនៅពេលដែលអ្នកបរិយាយពីមុខតំណែងដែលអ្នកជ្រើសរើសជាមួយនឹងព័ត៌មានសំខាន់ៗ ដោយផ្តល់នូវចម្លើយបើកចំហមួយចំនួនសម្រាប់អ្នកកំពុងស្វែងការងារ អាចធ្វើឲ្យមនុស្សទាំងនោះកាន់តែមានទំនុកចិត្ត ដើម្បីដាក់ពាក្យមកកាន់ក្រុមហ៊ុនអ្នក។
២) ពេលសម្ភាសន៍មិនបានសួរសំនួរឲ្យចំគោលដៅទៅកាន់បេក្ខជន
នៅមុនពេលសម្ភាសន៍ និយោជក គួរតែអាននូវប្រវត្តិរូបសង្ខេបរបស់បេក្ខជន ហើយទំនាក់ទំនងទៅអ្នកធានា(Professional References) របស់បេក្ខជននោះហើយឆែកមើលប្រវត្តិបុគ្គលនោះនៅលើបណ្តាញសង្គមផ្សេងៗ។ សម្រាប់ការសួរសំនួរវិញ នៅពេលដែលអ្នកសួរសំនួរទូទៅ ទៅកាន់បេក្ខជន ស្តីពីបទពិសោធន៍ការងាររបស់គេ នោះគឺជាសញ្ញាបញ្ជាក់ថា ក្រុមហ៊ុនមិនបានចំណាយពេលដើម្បីស្វែងយល់ពីលក្ខណៈជាបុគ្គលរបស់បក្ខជនទាំងនោះឡើយ។
៣) អ្នកសម្ភាសន៍បញ្ចប់ការសួរសំនួរទៅកាន់បេក្ខជន បន្ទាប់ពីមានការសម្រេចចិត្តពីបេក្ខជន
ប្រសិនបើបេក្ខជនមិនបានជ្រើសរើសនូវមុខតំណែង ដែលខ្លួនបានស្នើសុំ ក្រុមហ៊ុនភាគច្រើន បានកាត់ចោលនូវសំនួរមួយចំនួនស្តីពីមុខតំណែងនោះ។ ពីព្រោះថាអ្នកកំពុងស្វែងរកការងារនោះមិនទាន់អាចមានលក្ខណៈសម្បត្តិគ្រប់គ្រាន់សម្រាប់មុខតំណែងមួយនេះទៅអនាគត។ អ្វីដែលនិយោជកត្រូវធ្វើគឺបន្តការសួរសំនួរ ដោយព្យាយាមរកមតិត្រលប់មកវិញថាហេតុអ្វីបានជាបេក្ខជនមិនជ្រើសរើសមុខដំណែងនេះ។
0 comments:
Post a Comment