បច្ចុប្បន្នបុគ្គលិកភាគច្រើនប្រាថ្នាចង់បានវត្ថុ៤យ៉ាង wearesephora.com
ការចង់បានរបស់បុគ្គលិក គឺខុសគ្នាទៅតាមបុគ្គលម្នាក់ៗ។ បុគ្គលិកខ្លះចង់បានតម្រូវការថ្មីៗ ចំណូលចិត្តធ្វើការងារដែលថ្មីៗមិនដដែលៗ និងចង់បានកន្លែងដែលផ្ដល់សារសំខាន់ដល់ពួកគេ គឺមានន័យថា បុគ្គលិកមិនត្រឹមតែចង់បានការអភិវឌ្ឍអាជីពរបស់ពួកគេប៉ុណ្ណោះទេ ប៉ុន្តែពួកគេក៏ចង់បានសម្ព័ន្ធភាពល្អ ការងារល្អ និងឱកាសល្អសម្រាប់ខ្លួនពួកគេផ្ទាល់ផងដែរ។
ក្នុងនាមជាថ្នាក់ដឹកនាំ អ្នកគួរតែយល់ដឹងពីការប្រែប្រួលខាងលើនេះ ហើយចាប់ផ្ដើមដាក់ទុនពេលវេលាក្នុងការអភិវឌ្ឍបុគ្គលិករបស់ខ្លួន។ ចូរសាកល្បងដើរតាមវិធី៤យ៉ាងខាងក្រោមនេះ៖
១) ផ្ដល់សារសំខាន់ថែមទៀតដល់បុគ្គលិកដែលមិនគិតពីផលកម្រៃ (Place more importance on non-monetary motivators)
តាមការសិក្សាស្រាវជ្រាវរបស់កម្មវិធី Blessing White បានរកឃើញថា បុគ្គលិក២៥%ត្រូវគេជឿថា ពេញចិត្តនឹងធ្វើការរបស់ខ្លួនដោយមិនឥតផលប្រយោជន៍ បើសិនពួកគេមានទំនាក់ទំនងកាន់តែល្អជាមួយអ្នកគ្រប់គ្រងរបស់ខ្លួនដោយសារតែពួកគេចង់បង្កើនជំនាញ និងអាជីពរបស់ខ្លួន។
ប៉ុន្តែអ្នកគួរតែផ្ដល់សារសំខាន់ ឬក៏ការលើកចិត្តថែមទៀតដល់ពួកគេផងដែរ។ ជាឧទាហរណ៍មានបុគ្គលិកខ្លះដោយសារតែពេញចិត្តនឹងការងាររបស់ខ្លួនខ្លាំងពេក សូម្បីតែធ្វើការជាបុគ្គលិកស្ម័គ្រចិត្តក៏ពួកគេសុខចិត្តធ្វើដែរ។
២) ជួយជំរុញបន្ថែមដល់បុគ្គលិកដែលខិតខំបង្កើនស្នាដៃការងារពួកគេ (Let employees do — and improve upon — what they do best)
ទោះបុគ្គលិកអ្នកមានតួនាទី ឬក៏ឋានៈកម្រិតណាក្ដី បុគ្គលិកគ្រប់រូបតែងតែចង់បាននូវអ្វីដែលខ្លួនមាន ឬក៏កំពុងធ្វើអ៊ីចឹងដែរ។ មានន័យថា បើបុគ្គលិកកំពុងតែបំពេញការងារអ្វីបានល្អប្រសើរហើយ អ្នកគួរតែជួយជំរុញពួកគេខិតខំធ្វើការនោះថែមទៀតដោយផ្ដល់ជាមុខងារ ឬដំឡើងតួនាទីជាដើម ឬក៏ផ្ដល់សិទ្ធិដល់ពួកគេឲ្យបានពេញលេញឬពិសេស (ដូចជាឈប់សម្រាក) ជាដើម។ បើសិនជាអាចធ្វើដូច្នេះបានមែន តាមការសិក្សារបស់ Deloitte ឆ្នាំ២០១៤ បានបង្ហាញថា ក្រុមហ៊ុនអាចទទួលបានផលចំណេញរហូតដល់ ១៥ភាគរយ។
៣) កំណត់គោលដៅ និងចំណូលចិត្តរបស់បុគ្គលិកស្របទស្សនវិស័យក្រុមហ៊ុនច្បាស់លាស់ (Align employee goals and preferences for a clearer vision)
គ្រប់ក្រុមហ៊ុនទាំងអស់ បុគ្គលិកគ្រប់រូបតែងតែចង់ដឹងឲ្យបានច្បាស់លាស់មិនត្រឹមតែពីគោលដៅនិងចំណូលចិត្តការងារផ្ទាល់ខ្លួនប៉ុណ្ណោះទេ ប៉ុន្តែថែមទាំងចង់ដឹងពីគោលដៅនិងតួនាទីរបស់សហការីរបស់ពួកគេផងដែរ។
នៅពេលធ្វើការនៅជាមួយគ្នា ជាធម្មតាបុគ្គលិកគ្រប់គ្នាតែងតែដឹងពីចំណូលចិត្តការងាររបស់ក្រុមខ្លួន។ ដូច្នេះហើយវាសំខាន់ណាស់ដែលថ្នាក់ដឹកនាំគួរតែយល់ដឹងពីបញ្ហាទាំងនោះ ហើយគួរតែគោរពតាមគោលដៅនិងបំណងរបស់ពួកគេផងដែរ។
៤) ចូរផ្ដល់ឱកាសដល់បុគ្គលិក (Let serendipitous learning happen)
តាមការសិក្សាបង្ហាញថា វិធីសាស្រ្តផ្ដល់ឱកាសដល់បុគ្គលិកនេះគឺមានប្រសិទ្ធភាព៧៥ភាគរយដែលអាចជួយដល់ការអភិវឌ្ឍអាជីពការងាររបស់បុគ្គលិកដែលចង់ពង្រីកបទពិសោធន៍របស់ខ្លួនឲ្យកាន់តែទូលំទូលាយថែមទៀតនៅពេលអនាគត។ ដូច្នេះជាប្រការល្អ ថ្នាក់ដឹកនាំគួរតែសាកល្បងផ្ដល់ពេលវេលាដល់បុគ្គលិកដើម្បីឲ្យពួកគេពង្រឹងស្មារតីទទួលខុសត្រូវចំពោះការងារខ្លួន។
ចំណុចទាំង ៤ ដែល បានបង្ហាញខាងលើនេះគឺគ្រាន់តែចង់ផ្ដល់ជាអនុសាសន៍ខ្លះៗដល់អ្នកគ្រប់គ្រងក្រុមហ៊ុនដែលប្រាថ្នាចង់ឲ្យបុគ្គលិកខ្លួនមានការរីកចម្រើនក្នុងខ្លួនតែប៉ុណ្ណោះ ហើយក៏នៅមានវិធីសាស្ត្រជាច្រើនទៀតដែលត្រូវអនុវត្តន៍៕
0 comments:
Post a Comment