Cristiano Ronaldo បានក្លាយជាអ្នកស៊ុតបញ្ចូលទីច្រើនជាងគេ (Top Scorer) ក្នុងប្រវត្តិសាស្ត្រក្លិប Real Madrid ផ្លូវការហើយ បន្ទាប់ពីស៊ុត១គ្រាប់ទៀត ក្នុងការប្រកួត La Liga ដែលស្ដេចសឈ្នះ Levante ៣-០ កាលពីយប់មិញ។
តារាឆ្នើមជម្រើសជាតិព័រទុយហ្កាល់វ័យ៣០ឆ្នាំ បានស៊ុតគ្រាប់ទី៣២៤ ក្នុងការបង្ហាញខ្លួន៣១០ប្រកួត និងបំបែកកំណត់ត្រាចាស់របស់ Raul ដែលស៊ុតបាន៣២៣គ្រាប់ ក្នុងការបង្ហាញខ្លួន៧៤១ប្រកួត។
គ្រាប់បាល់បំបែកកំណត់ត្រារបស់ Ronaldo នេះគឺកើតឡើងនៅនាទីទី៣០ ហើយអតីតខ្សែបម្រើក្រុម Manchester United រូបនេះ ក៏បាន assist ឲ្យ Marcelo រកបានគ្រាប់ទី១ នាទីទី២៧ផងដែរ។ រីឯ១គ្រាប់ទៀត គឺធ្វើបានដោយ Jese នៅចុងម៉ោងនាទី៨១ និងជួយឲ្យ Real ឡើងឈរកំពូលតារាង La Liga បណ្តោះអាសន្ន៕
សូមទស្សនាវីដេអូខាងក្រោម៖
0 comments:
Post a Comment