មានមធ្យោបាយងាយស្រួល និង មានប្រសិទ្ធភាពមួយដែលអាចវាយបំបាក់នូវអារម្មណ៍ធុញថប់របស់ខ្លួន ដែលបានបង្ហើបប្រាប់ឲ្យដឹងពីអ្នកចិត្តវិទ្យារបស់សាកលវិទ្យាល័យ Harvard។ គន្លឹះនោះគឺថា ការរំលឹកឡើងវិញនូវអ្វីដែលជាតម្លៃរបស់ខ្លួនបានបង្កើត។ នៅក្នុងសៀវភៅមួយមានចំណងជើងថា Presence របស់លោកស្រី Amy Cuddy អ្នកចិត្តវិទ្យានៃសាកលវិទ្យាល័យ Harvard លោកស្រីផ្តោតសំខាន់ទៅលើការបង្កអំណាច ក្នុងការបង្កើនទំនុកចិត្តរបស់ខ្លួន គឺការធ្វើលំហាត់សាមញ្ញ ដែលអាចធ្វើឲ្យ ប្រព័ន្ធប្រាសាទរបស់អ្នកកាន់តែប្រសើរ។
ការចំណាយពេលប៉ុន្មាននាទី ដើម្បីសរសេរពីអ្វីដែលជាភាពមានន័យក្នុងជីវិតរបស់ខ្លួន ដូចជាគ្រួសារ ការបង្កើតគំនិតច្នៃប្រឌិត ភាពជោគជ័យក្នុងអាជីពរបស់ខ្លួន និង ពេលវេលាមួយចំនួនទៀត ដែលអ្នកគិតថាជាពេលវេលា ដ៏មានតម្លៃសម្រាប់អ្នក។ លំហាត់បែបនេះមើលទៅហាក់បីដូចជា មិនទាក់ទងទៅនឹងភារកិច្ចផ្ទាល់ដៃ ប៉ុន្តែវាអាចជួយអ្នក ឲ្យជួយចងចាំឡើងវិញនូវអ្វីដែលជាលក្ខណៈពិសេសរបស់អ្នក ចេញមកខាងក្រៅ។
បើតាមការស្រាវជ្រាវស្តីពីរាងកាយវិញ បង្ហាញថា គំនិតរបស់មនុស្ស គឺជារបស់ដែលឆ្លុះបញ្ចាំង ទៅនឹងតម្លៃផ្ទាល់របស់មនុស្ស ដែលនេះជាអ្វីក្រុមអ្នកស្រាវជ្រាវហៅថា គឺជាការបង្ហាញចេញនូវធាតុពិតរបស់ខ្លួន (Self-Affirmation) ដែលអាចជួយឲ្យខ្លួនអ្នកអាចដោះស្រាយក្នុងស្ថានភាពមួយពេលអ្នកកំពុងមានការតានតឹងខ្លាំងក្នុងអារម្មណ៍។
នៅក្នុងសៀវភៅ Presence ដដែលបានបង្ហាញថា ការបង្ហាញចេញនូវធាតុពិតរបស់ខ្លួន (Self-Affirmation) គឺអាចធ្វើឲ្យអ្នកសម្របខ្លួន និង អារម្មណ៍ចូលក្នុងស្ថានការណ៍បច្ចុប្បន្នភាព ដែលលោកស្ត្រី Cuddy កំណត់ថា គឺជាការប្រគំរាល់ចំណុចខ្លាំងរបស់បុគ្គលនីមួយៗ ដោយអាចធ្វើឲ្យពួកគេក្លាយជា បុគ្គលដែលមានភាពជឿជាក់លើខ្លួនឯង និង មានភាពក្លាហាន។ ដូច្នេះបើតាមលោកស្រី Cuddy ការបង្ហាញចេញនូវធាតុពិតរបស់ខ្លួន (Self-Affirmation) នៅក្នុងរឿងដែលជាការពិតរបស់ខ្លួនផ្ទាល់គឺជាមធ្យោបាយ លើកខ្លួនឯងឲ្យចេញផុតពីអារម្មណ៍ធុញថប់។
0 comments:
Post a Comment