ខ្សែប្រយុទ្ធ Fernando Torres ដែលរងរបួសក្បាលសន្លប់ស្ដូកស្ដឹងកាលសប្ដាហ៍មុន បានឈរអបអរមិត្តរួមក្រុមរបស់ខ្លួនទាំងញញឹម ពេលក្រុម Atletico Madrid ឈ្នះ Valencia ៣-០ នៅកីឡដ្ឋាន Vicente Calderon កាលពីយប់មិញ។
ខ្សែប្រយុទ្ធ Fernando Torres ទៅទស្សនាការប្រកួតយប់មិញ
Torres ពុំមានបញ្ហាអ្វីធ្ងន់ធ្ងរដូចការរំពឹងទុកនោះទេ ដោយរូបគេបានចាកចេញពីមន្ទីរពេទ្យហើយ និងថែមទាំងអាចទៅមើលការប្រកួតក្រុមរបស់ខ្លួនលេង ប៉ុន្តែនៅមិនទាន់អាចចូលលេងបាន ដោយត្រូវសម្រាកមួយរយៈពេលខ្លីសិន។
ងាកទៅការប្រកួត La Liga យប់មិញវិញ ក្រុម Atletico បានយកឈ្នះ Valencia ៣-០ ឲ្យតដៃមិនរួច ខណៈដែលតារាឆ្នើម Antoine Griezmann ស៊ុតបាន២គ្រាប់នៅនាទីទី១០ និងនាទី៨៣ ហើយខ្សែប្រយុទ្ធ Kevin Gameiro ស៊ុតបាន១គ្រាប់ នាទី៤៨។ លទ្ធផលនេះ បានជួយឲ្យ Atletico ឈរនៅលេខ៤ ដោយចាញ់ក្រុមលេខ៣ Sevilla ៦ពិន្ទុ៕
0 comments:
Post a Comment