Neymar បានស៊ុតបញ្ចូលទី៤គ្រាប់ម្នាក់ឯង និង Assist ឲ្យ Luis Suarez ស៊ុត១គ្រាប់ទៀត ខណៈដែល Barcelona បានយកឈ្នះលើ Rayo Vallecano ៥-២ និងជួយឲ្យអ្នកមានបុណ្យ មាន១៨ពិន្ទុស្មើក្រុមកំពូលតារាង Real Madrid នៅ La Liga។
Barca ដែលអវត្តមាន Super Star, Lionel Messi ដោយសាររបួស ត្រូវក្រុមភ្ញៀវ Vallecano នាំមុខ ១-០ មុននៅកីឡដ្ឋាន Camp Nou ដោយកីឡាករ Javi Guerra នាទី១៥ តែ Neymar បានទទួលបាល់ពិន័យ១១ម៉ែត្រ ២គ្រាប់នៅនាទី ២២ និង៣២ បន្ទាប់ពីខ្សែការពារក្រុម Vallecano បង្កកំហុសទាក់ជើង ក្នុងប្រអប់គ្រោះថ្នាក់ ហើយតារាឆ្នើមប្រេស៊ីលរូបនេះ បានស៊ុត២គ្រាប់ទៀត នៅនាទី៦៩ និង៧០ មុននឹង Assist ឲ្យ Suarez ស៊ុតគ្រាប់ទី៥ នាទី៧៧ តែត្រូវ Sánchez Ruiz រកបានគ្រាប់ទី២ ឲ្យក្រុមភ្ញៀវ នៅចុងម៉ោងនាទី៨៦វិញ។
Neymar បានក្លាយជាកីឡាករប្រេស៊ីលដំបូងគេ ដែលស៊ុតបាន៤គ្រាប់ ក្នុង១ប្រកួត នៅ La Liga គិតតាំងពី Julio Baptista ធ្លាប់ធ្វើបានម្ដងនៅក្រុម Sevilla កាលឆ្នាំ២០០៤។ កីឡាករវ័យ២៣ឆ្នាំរូបនេះ ឥឡូវស៊ុតបាន៨គ្រាប់ហើយ រដូវកាលនេះ និងកំពុងឈរកំពូលតារាង Top Scorer នៅ La Liga ផងដែរ ដោយលើ Cristiano Ronaldo និង Karim Benzema ដែលស៊ុតបាន៦គ្រាប់ដូចគ្នា៕
សូមទស្សនាវីដេអូខាងក្រោម៖
0 comments:
Post a Comment