ក្រោយលោក Steve Jobs បានទទួលមរណភាពទៅកាលពីដើមខែតុលា ឆ្នាំ ២០១១ លោក Jeffrey Bezos បានក្លាយជានាយកប្រតិបត្តិ (CEO)ឈានមុខគេមួយរូបនៅលើពិភពលោក។
បានកើតទៅទីក្រុង Albuquerque រដ្ឋ New Mexico ក្នុងឆ្នាំ ១៩៦៤ មហាសេដ្ឋីរូបនេះបានបញ្ចប់ថ្នាក់បរិញ្ញាប័ត្រផ្នែកវិទ្យាសាស្ត្រកុំព្យូទ័រ និង វិស្វកម្មអេឡិចត្រូនិកពីសាកលវិទ្យាល័យ Princeton នៅក្នុងឆ្នាំ ១៩៨៦។
ក្នុងនាមជាស្ថាបនិកនៃក្រុមហ៊ុន Amazone.com លោកបានបំពេញតួនាទីបានយ៉ាងល្អក្នុងការដឹកនាំក្រុមហ៊ុនពាណិជ្ជកម្មអនឡាញដ៏ធំសម្បើមមួយនេះតាំងពីឆ្នាំ ១៩៩៤ មកម្ល៉េះដោយកាលនោះក្រុមហ៊ុននេះបើកមុខជំនួញលក់សៀវភៅត្រឹមតែ១ ក្បាលប៉ុណ្ណោះ។
ក្រោយមក មុខជំនួញនេះកាន់តែកាក់កបឡើងរហូតដល់បានប្រាក់ចំណូលប្រមាណ ២០ ០០០ដុល្លារក្នុងមួយសបា្តហ៍។ នេះបានផ្តល់ក្តីសង្ឃឹមយ៉ាងមុតមាំដល់នាយកប្រតិបត្តិក្រុមហ៊ុនវ័យ ៥០ ឆ្នាំរូបនេះពង្រីកទីផ្សារវាយលុកលក់ផលិតផលតាមអនឡាញស្ទើរតែគ្រប់ផលិតផលទាំងអស់ដែលនាំមកនូវប្រាក់ចំណូលជាង ៧៤ ពាន់លានដុល្លារកាលពីឆ្នាំ ២០១៣ កន្លងទៅ។
ទោះបីជាបែបនេះក្តី ដំបូន្មានដ៏សំខាន់ដែលលោកJeffrey Bezos ចង់បង្ហាញដល់ប្រិយមិត្តយ៉ាងខ្លីនៅពេលនេះ គឺជុំវិញភាពជាអ្នកដឹកនាំនៅក្នុងក្រុមហ៊ុន។
លោកបានមានប្រសាសន៍យ៉ាងខ្លីដូច្នេះថា៖ « ប្រសិនបើអ្នកចង់មានភាពច្នៃប្រឌិតក្នុងការរកស៊ី អ្នកត្រូវហ៊ានទទួលយកភាពបរាជ័យ»។ គេនៅចាំបានថា នៅថ្ងៃដំបូងដែល Amazon ដាក់លក់សៀវភៅ ក្រុមហ៊ុននេះធ្លាប់បានជួលអ្នកនិពន្ធជាច្រើនដើម្បីសរសេរសៀវភៅជាច្រើនក្បាលឲ្យខ្លួន សម្រាប់ដាក់លក់នៅលើទីផ្សារ។ តែនេះមិនទទួលបានជោគជ័យគួរឲ្យមោទនភាពនោះឡើយ។
ក្រោយមកទៀត Amazon បានព្យាយាមផ្ដោតលើតម្រូវការរបស់អតិថិជនវិញម្តង។ នេះនៅតែមិនបានផ្តល់លទ្ធផលជាទីគាប់ចិត្តដដែល ប៉ុន្តែវាជាឱកាសមួយដើម្បីឲ្យក្រុមហ៊ុននេះបានរៀនសូត្រអ្វីៗបន្ថែមទៀតកាន់តែច្រើនឡើង។
នៅទីបំផុតក្រុមហ៊ុននេះបានដឹងថា លក់សៀវភៅតែមួយមុខពិតជាមិនអាចធ្វើឲ្យ Amazon ជោគជ័យបានឡើយ។ លោក Jeffrey Bezos នឹកឃើញគំនិតច្នៃប្រឌិតថ្មីចាប់ផ្តើមផ្ដោតលើការលក់ទំនិញច្រើនប្រភេទដូចមានរហូតមកដល់សព្វថ្ងៃនេះ។ នេះជាអ្វីដែល CEO រូបនេះបញ្ជាក់ថា បើលោកខ្លាចបរាជ័យ ម្ល៉េះក្រុមហ៊ុន Amazon គ្មានពន្លឺថ្ងៃអាចនាំមកនូវអ្វីៗថ្មីៗបានមកដល់ថ្ងៃនេះនោះឡើយ៕
0 comments:
Post a Comment