លោកអូបាម៉ាប្រធានាធិបតីទី ៤៤ របស់អាមេរិក មិនបានជាប់ក្នុងបញ្ជីជាប្រធានាធិបតីមានជាងគេកំពូលៗទាំង ១០ របស់អាមេរិកនោះឡើយ។ ប្រធានាធិបតីដែលជាប់ក្នុងបញ្ជីមានទ្រព្យសម្បត្តិច្រើនជាងគេបំផុតក្នុងប្រវត្តិសាស្ត្រអាមេរិកភាគច្រើនកើតមាននៅមុនសតវត្សទី២០។ បើយោងតាមគេហទំព័រសារព័ត៌មាន (Wall Street Journal) នេះគឺជាប្រធានាធិបតីមានជាងគេបំផុតទាំង ៥ ក្នុងប្រវត្តិសាស្ត្រប្រធានាធិបតីអាមេរិក។
៥) លោក James Madison
-ទ្រព្យសម្បត្តិ ១០១ លានដុល្លារ
-ឆ្នាំចូលកាន់តំណែងជាប្រធានាធិបតី ១៨០៩ ដល់ឆ្នាំ ១៨១៧
-ជាប្រធានាធិបតីទី ៤ របស់អាមេរិក
លោក James Madison គឺជាម្ចាស់ដីធំជាងគេបំផុតនៅតំបន់ Orange។ យ៉ាងណាមិញ ការចូលកាន់តំណែងជាប្រធានាធិបតីបានធ្វើឲ្យលោកអាចមានសមត្ថភាពរកប្រាក់ចំណូលបានច្រើនផងដែរ។ ក្រោយមកគេនិយាយថា ទ្រព្យសម្បត្តិរបស់លោកបានខាតបង់ដោយសារតែកសិដ្ឋានរបស់លោកដួលរលំ។
៤) លោក Andrew Jackson
-ទ្រព្យសម្បត្តិ ១១៩ លានដុល្លារ
-ឆ្នាំចូលកាន់តំណែងជាប្រធានាធិបតី ១៨២៩ ដល់ឆ្នាំ ១៨៣៧
ជាប្រធានាធិបតីទី ៧ របស់អាមេរិក
លោក Andrew Jackson កើតនៅក្នុងត្រកូលគ្រួសារវណ្ណៈកណ្ដាល និងបានរៀបការជាមួយភរិយារបស់លោកដែលជាអ្នកមានម្នាក់ផងដែរនៅសម័យនោះ។ ទន្ទឹមនឹងមានទាសកររបស់លោកប្រមាណ ៣០០នាក់ ប្រធានាធិបតីរូបនេះគឺជាប្រធានាធិបតីមានជាងគេរបស់អាមេរិកនៅកំឡុងដើមសតវត្ស ទី១៩ ។
៣) លោក Theodore Roosevelt
-ទ្រព្យសម្បត្តិ ១២៥ លានដុល្លារ
-ឆ្នាំចូលកាន់តំណែងជាប្រធានាធិបតី ១៩០១ ដល់ឆ្នាំ ១៩០៩
-ជាប្រធានាធិបតីទី ២៦ របស់អាមេរិក
កើតក្នុងវង្សត្រកូលជាកូនអ្នកមាន លោក Theodore Roosevelt ក៏ធ្លាប់ជំពាក់បំណុលរបស់គេយ៉ាងច្រើនសន្ធឹកសន្ធាប់ផងដែរនៅពេលដែលលោកក្លាយជាសហគ្រិនមួយរូបនាសម័យនោះ។ តែក្រោយមក លោកបានខិតខំដោះបំណុលជាបន្ទាប់រហូតដល់រួចអស់ស្របពេលដែលតំណែងប្រធានាធិបតីក៏ធ្វើឲ្យលោករកប្រាក់ចំណូលបានមួយចំនួនបន្ថែមទៀតផងដែរ។
២) លោក Thomas Jefferson
-ទ្រព្យសម្បត្តិ ២១២ លានដុល្លារ
-ឆ្នាំចូលកាន់តំណែងជាប្រធានាធិបតី ១៨០១ ដល់ឆ្នាំ ១៨០៩
-ជាប្រធានាធិបតីទី ៤ របស់អាមេរិក
លោក Thomas Jeffersonកឺជាបុគ្គលម្នាក់ដែលល្បីថាជាម្ចាស់ដីយ៉ាងធំសម្បើមមួយដែរ និង មានទាសករជាច្រើនអ្នកផងដែរ។ មានលំនៅឋានស្ថិតនៅក្នុងរដ្ឋ Virginia លោកត្រូវបានគេចាត់ទុកថា ជាម្ចាស់កសិដ្ឋានដ៏ល្បីល្បាញបំផុតមួយផងដែរ តែតំណែងជាអ្នកនយោបាយក៏បានធ្វើឲ្យលោករកលុយបានច្រើនមុននឹងចូលកាន់តំណែងជាប្រធានាធិបតី។
១) លោក George Washington George
-ទ្រព្យសម្បត្តិ ៥២៥ លានដុល្លារ
-ឆ្នាំចូលកាន់តំណែងជាប្រធានាធិបតី ១៧៨៩ ដល់ឆ្នាំ ១៧៩៧
-ជាប្រធានាធិបតីទី ១ របស់អាមេរិក
ក្នុងនាមជាប្រធានាធិបតីដំបូងគេបំផុតរស់អាមេរិក លោក George Washington George គឺជាម្ចាស់កសិដ្ឋានដ៏ធំមួយជាកេរដំណែលឪពុករបស់លោកនាសម័យនោះ។ ទន្ទឹមនឹងមានប្រាក់ចំណូលពេលឡើងធ្វើជាប្រធានាធិបតី លោកបានរកប្រាក់ចំណូលយ៉ាងច្រើនសន្ធឹកសន្ធាប់ផងដែរពីកសិដ្ឋានរបស់លោក ដែលធ្វើឲ្យប្រធានាធិបតីរូបនេះជាប់ឈ្មោះជាប្រធានាធិបតីមានជាងគេបំផុតរបស់អាមេរិក។
សូមបញ្ជាក់ថា ប្រាក់ចំណូលខាងលើរបស់ប្រធានាធិបតីទាំងនេះធ្វើឡើងដោយប្រៀបធៀបទៅនឹងតម្លៃទីផ្សារហិរញ្ញវត្ថុនៅពេលបច្ចុប្បន្ន៕
0 comments:
Post a Comment