១) ពាក្យថា អ្នក (You)
នៅក្នុងការស្រាវជ្រាវរបស់សាកលវិទ្យាល័យ Yale ពាក្យថា អ្នក (You) មានឈរនៅចំណាត់ថ្នាក់លេខ ១ គឺជាពាក្យដែលមានឥទ្ធិពលបំផុតក្នុងភាសាអង់គ្លេស។ ពាក្យ អ្នក បង្ហាញពីចិត្តមេត្តាករុណា និង ការសង្កត់ធ្ងន់ទៅលើនរណាម្នាក់។ វិធីតែមួយដើម្បីធ្វើឲ្យពាក្យថាអ្នកកាន់តែមានឥទ្ធិពលគឺការប្រើប្រាស់វាជាឈ្មោះបុគ្គល ដើម្បីធ្វើឲ្យវាកាន់តែមានអត្ថន័យថែមទៀត។
២) ពាក្យថាស្រមើស្រមៃ (Imagine)
ពាក្យថាស្រមើស្រមៃ (Imagine) បង្ហាញពីគំនិតដ៏ធំទូលំទូលាយចំពោះរឿងអ្វីមួយដែលនឹងអាចកើតឡើង ដែលធ្វើឲ្យអ្នកកាន់តែមានគំនិតសុទិដ្ឋិនិយមថែមទៀត។ ហើយពាក្យនេះដែរ បើកជំហរកាន់តែទូលំទូលាយ ដែលអាចជួយធ្វើឲ្យអ្នកដើររំលងនូវរឿងកង្វល់ទាំងឡាយ ដើម្បីឲ្យអ្នកឆ្ពោះទៅកាន់អ្វីដែលអ្នកចង់បាន។
៣) ពាក្យថា សកម្មភាព (Act)
គ្មានអ្វីមានឥទ្ធិពលជាងការបញ្ចេញសកម្មភាពនោះទេ នៅពេលមនុស្ស មានសកម្មភាព ដើម្បីធ្វើអ្វីមួយឲ្យកើតឡើង នោះមានន័យថាពួកគេកំពុងធ្វើឲ្យខ្លួនឯងដើរចូលទៅកាន់តែចិត្តនូវអ្វីដែលពួកគេចង់បានដោយមិនគិតពីលទ្ធផល។
៤) ពាក្យថា ពីព្រោះ (Because)
ឥទ្ធិពលនៃពាក្យ ពីព្រោះ គឺជាហេតុផលដើម្បីជួយឲ្យមនុស្ស ភ្ជាប់ទំនាក់ទំនងទៅកាន់មនុស្សដទៃផ្សេងទៀត ប្រកបដោយភាពសមហេតុផល និង ការឆក់យកអារម្មណ៍របស់អ្នកដទៃ។
៥) ពាក្យថា ឥឡូវ (Now)
ភាពឆាប់រហ័សគឺជាអ្វីដែលមនុស្សគ្រប់រូបចង់បាន នៅពេលអ្នកណាម្នាក់ស្នើសុំអ្នក ហើយអ្នកនិយាយថា អ្នកអាចចាប់ផ្តើមវាឥឡូវ អ្នកអាចប្តូរវាឥឡូវ អ្នកអាចធ្វើវាឥឡូវ ចាំថ្ងៃស្អែកយឺតពេកហើយ ម្សិលមិញ ហួសបាត់ទៅហើយ ប៉ុន្តែឥឡូវ គឺជាពេលវេលាដែលល្អក្នុងការចាប់ផ្តើមធ្វើ។
៦) ពាក្យថា ជឿ (Believe)
ពាក្យថា ជឿ គឺជាជំហានដំបូងដើម្បីធ្វើអ្វីមួយបង្កើតឲ្យចេញជារូបរាង ហើយជាធាតុដែលយើងអាចយកឈ្នះលើដែនកំណត់របស់ខ្លួន នៅពេលដែលអ្នកជឿលើខ្លួនឯង អ្វីៗគ្រប់យ៉ាងគឺសុទ្ធតែអាចទៅរួចទាំងអស់។
៧) ពាក្យថា ធានា (Guaranteed)
ពាក្យថា ធានា អាចធ្វើឲ្យមនុស្សដទៃកាន់តែមានទំនុកចិត្តលើសកម្មភាពរបស់អ្នក ព្រោះវាបានផ្តល់នូវភាពទុកចិត្ត ចំពោះបញ្ហាណាមួយ ដើម្បីធ្វើឲ្យអ្នកទទួលបានអ្វីដែលខ្លួនចង់បាន។
0 comments:
Post a Comment