១) ភាពស្ងៀមស្ងាត់តែឯង ជាពេលដែលធ្វើឲ្យគំនិតភ្លឺថ្លា
ការនៅស្ងប់ស្ងាត់តែឯង មានសារៈសំខាន់ ប្រសិនបើអ្នក ចង់ក្លាយជាមនុស្សដែលមានភាពច្នៃប្រឌិត។ ជារឿយៗការនៅស្ងប់ស្ងាត់តែឯង ជាការឆ្លុះបញ្ចាំងថា គំនិតរបស់អ្នក គឺមានភាពភ្លឺថ្លាឡើង ហើយអាចគិតពីអ្វីមួយបានស៊ីជម្រៅ ហើយថែមទាំងអាចធ្វើឲ្យអ្នកអាចសន្សំសំចៃពេលវេលាបានទៀតផង ជាធម្មតាមនុស្សគ្រប់រូបមានគំនិតរាប់រយរាប់ពាន់ តែមិនអាចប្រការបានសូម្បីតែមួយ ព្រោះអ្នកមិនដែលបានខ្វល់ខ្វាយនូវពេលដែលអ្នកបង្ហាញចេញមកខាងក្រៅ។
២) ភាពស្ងៀមស្ងាត់តែឯង គឺជាចំណីរបស់ខួរក្បាល
អ្នកវិទ្យាសាស្ត្រស្រាវជ្រាវរកឃើញថា ខួរក្បាល ត្រូវការភាពស្ងប់ស្ងាត់ ដូចនឹងភាពត្រូវការទំនាក់ទំនងក្នុងសង្គមដែរ។ ការផ្ដាច់ខ្លួនឲ្យនៅឆ្ងាយពីគេ ពីក្រុមការងារ គឺជាពេលដែលមានសារៈសំខាន់ នៅពេលដែលអ្នកកំពុងព្យាយាមស្វែងរកអ្វីមួយប្រកបដោយអត្ថន័យ។ នៅពេលដែលអ្នកមិនអាចផ្ដោតយកចិត្តទុកដាក់លើអ្វីមួយបានល្អ លើចំណុចអ្វីមួយ អ្នកគួរតែធ្វើឲ្យខ្លួនអ្នកដាច់ឆ្ងាយពីគេក្នុងភាពស្ងប់ស្ងាត់មួយដើម្បីឲ្យចិត្តរបស់អ្នក ជ្រៀតចូលខ្លាំងទៅក្នុងការចងចាំ គំនិត និង អារម្មណ៍ ដែលចាប់ផ្ដើមធ្វើឲ្យប្រព័ន្ធខួរក្បាលមានដំណើរការ។
៣) បង្ហាញពីការគោរព នៃភាពស្ងៀមស្ងាត់
ក្នុងនាមជាអ្នកដឹកនាំម្នាក់ ពេលខ្លះអ្នកក៏ត្រូវចេះទុកឱកាសឲ្យបុគ្គលិកខ្លួន បង្កើតភាពស្ងប់ស្ងៀមផ្ទាល់ខ្លួនផង ដើម្បីឲ្យពួកគេបានគិត។ ពេលខ្លះការងារ ក៏មិនតម្រូវឲ្យអ្នកនៅជាប់មួយកន្លែងដែរ ការគោរពពេលវេលាបុគ្គលិករបស់ខ្លួនធ្វើការពីផ្ទះ មិនមែនមានន័យថាពួកគេមិនអាចធ្វើអ្វីបានសោះលុះត្រាតែមកកន្លែងការងារទើបធ្វើបាននោះឡើយ។
0 comments:
Post a Comment