ខាងក្រោមនេះ គឺជាតិចនិកមួយចំនួនដែលធ្វើឱ្យលោកអ្នកមានអាយុយឺនយូរ៖
បរិភោគចំណីនិងអាហារដែលល្អចំពោះសុខភាព៖ តាមពិត ចំណីអាហារដែលលោកអ្នកបរិភោគប្រចាំថ្ងៃ មានចំណែកសំខាន់សម្រាប់សុខភាព។ អាហារខ្លះផ្ដល់ទុក្ខទោសចំពោះសុខភាពមនុស្ស និងខ្លះទៀត ធ្វើអ្នកបរិភោគមានអាយុវែង និងពន្យារភាពជ្រីវជ្រួញ និងភាពចាស់ជរា។ អាហារដែលប្រសើរបំផុតសម្រាប់សុខភាព គឺអាហារដែលសម្បូរជាតិអូមេហ្កា៣ (Omega-3) និងអាហារដែលសម្បូរជាតិប្រឆាំងនឹងអុកស៊ីតកម្ម (antioxidants)។ Omega-3 ជួយកម្ចាត់កូឡេស្តេរ៉ូល ដែលបណ្ដាលឲ្យកើតជំងឺបេះដូង និងលើសសម្ពាធឈាម ចំណែក អុកស៊ីតកម្ម បណ្ដាលឲ្យកើតជំងឺមហារីក។
រស់នៅមានសុភមង្គលគ្រួសារ៖ ការសិក្សាបង្ហាញថាអ្នកដែលមានប្ដីនិងមានប្រពន្ធ សឹងតែ ១០០% គឺរស់នៅមានអាយុវែងជាងអ្នកនៅទំនេរតែលតោលម្នាក់ឯងអស់មួយជីវិត។ អ្នកអត់ប្ដីអត់ប្រពន្ធហើយរស់នៅម្នាក់ឯងច្រើនអាយុខ្លីជាងអ្នកមានប្ដីប្រពន្ធ រហូតដល់ទៅពីរដងឯណោះ។ ករណីនេះច្រើនប្រឈមចំពោះបុរសជាងនារី។
មានកូន៖ អ្នកដែលមានកូន មិនសូវប្រឈមនឹងជំងឺបេះដូង (heart disease) ដូចអ្នកគ្មានកូនទេ។ គេមានកូនកាន់តែច្រើនកាលណា គេកាន់តែរស់នៅអាយុវែងយឺនយូរកាលនោះ។
ខំហាត់ប្រាណ៖ អ្នកដែលហាត់ប្រាណ អាចទប់ទល់នឹងជំងឺតម្កាត់ច្រើនប្រភេទ ព្រោះធ្វើឲ្យបេះដូងខ្លាំង និងប្រព័ន្ធការពារខ្លួនខ្លាំង។ ចូរជ្រើសរើសប្រភេទលំហាត់ប្រាណណាដែលសមស្របសម្រាប់លោកអ្នក។
គេងគ្រប់គ្រាន់៖ ការគេងគឺពិតជាសំខាន់ខ្លាំង ប្រហាក់ប្រហែលនឹងការហាត់ប្រាណដែរ។ ដំណេកដែលល្អបំផុតគឺដំណេកនៅពេលយប់ ឲ្យបាន ៨ ម៉ោង ដើម្បីឲ្យខួរក្បាលស្រឡះល្អ និងមិនងាយចុះទ្រុឌទ្រោម។ ពេលណាគេងមិនគ្រប់គ្រាន់ លោកអ្នកនឹងអង្គុយងោកនៅកន្លែងធ្វើការ ឬអង្គុយស្មឿក គិតអីអត់ចេញ ទោះបីផឹកកាហ្វេឲ្យបាត់ងុយគេង ប៉ុន្តែមិនដូចគេងគ្រប់គ្រាន់នោះទេ។
កាត់បន្ថយអារម្មណ៍តានតឹង៖ អារម្មណ៍តឹងតែង ដែលគេចំណាំហៅថា «ស្រ្តេះ – stress» ជាកត្តាដែលធ្វើឲ្យលោកអ្នកមានសុខភាពផ្លូវចិត្តល្អ ហើយរស់នៅមានអាយុយឺនយូរផងដែរ។ លោកអ្នកគួររកវិធីកាត់បន្ថយភាពតានតឹងបែបនេះនៅកន្លែងធ្វើការ ឬនៅផ្ទះ ដោយផ្លាស់ប្ដូររបៀបរស់នៅ និងរកបរិយាកាសរីករាយ ធ្វើចិត្តឲ្យសប្បាយ រកវិធីសម្រួលការងារ ដើម្បីកុំឲ្យស្មុគពេក៕
0 comments:
Post a Comment