១) ការប្ដេជ្ញាចំពោះជីវិតខ្លួនឯង នៅកន្លែងដែលអ្នកចង់រស់នៅ ហើយរស់នៅទីនោះ
មនុស្សយើងអាចចំណាយពេលពេញមួយជីវិត ដើម្បីស្វែងនៅជីវិតមួយដែលខ្លួនចង់រស់នៅ ការរស់នៅជាមួយភាពជាប់គាំងនៃការភ័យខ្លាច ការប្រយុទ្ធគ្នាដើម្បីអ្វីមួយមិនច្បាស់លាស់។ ទោះជាយ៉ាងណាក៏ដោយក្នុងឆាកជីវិតមនុស្សគ្មានអ្វីពិតប្រាកដនោះទេ ដូច្នេះវាគ្រាន់តែធ្វើឲ្យអ្នកខ្ជះខ្ជាយពេលវេលាដែលមានតម្លៃ ក្នុងរឿងមួយដែលវាមិនស្ថិតស្ថេរ។
២) ត្រូវរស់នៅក្នុងចំណោមមនុស្សដែលគាំទ្រអ្នក និង ជឿលើអ្នក
គ្មានហេតុផលមួយណាដែលអ្នកគួរចំណាយពេលវេលា និង ថាមពលខ្លួន ទៅលើមនុស្សដែលធ្វើឲ្យតែជីវិតរបស់អ្នកធ្លាក់ចុះនោះឡើយ។ ជំនួសមកវិញអ្នកត្រូវ បំពេញជីវិតរបស់អ្នក ជាមួយមនុស្សដែលជឿអ្នក និង គាំទ្រចំពោះអ្នក មនុស្សដែលលើកទឹកចិត្តអ្នកនឹងអាចនាំជីវិតអ្នក ទៅកាន់ពន្លឺថ្មីមួយ តែផ្ទុយមកវិញមនុស្សដែលធ្វើឲ្យជីវិតអ្នកធ្លាក់ចុះគឺកំពុងនាំអ្នកទៅរកភាពវិនាស។
៣) កុំកុហកខ្លួនឯង មនុស្សយើងសុទ្ធតែដឹងថាអ្វីជារឿងត្រឹមត្រូវដែលត្រូវធ្វើ
ការចេះស្តាប់ពីការបញ្ជារបស់បេះដូងខ្លួនឯង អាចជំរុញឲ្យអ្នកក្លាយជាមនុស្សដែលមានមនសិការ នៅពេលដែលផ្លូវដើរទៅមុខរបស់អ្នកមើលទៅហាក់បីដូចជាមានគ្រោះថ្នាក់ ប៉ុន្តែដំណោះស្រាយគឺមាននៅលើដងផ្លូវនោះ។
៤) ជោគជ័យភាគច្រើនគឺកើតចេញមកពីភាពបរាជ័យច្រើនដែរ
ភាពជោគជ័យមិនអាចកើតមានឡើង ដោយគ្មានការខិតខំប្រឹងប្រែងនោះទេ ហើយវាតែងកើតឡើងតាមរយៈការសាកល្បង និង ការបង្កជាកំហុស ការយកចិត្តទុកដាក់ឲ្យបានស៊ីជម្រៅ។
៥) មិនត្រូវអនុញ្ញាតឲ្យភាពភ័យខ្លាច ដឹកនាំជីវិតរបស់អ្នកឡើយ
ភាពភ័យខ្លាចគឺជារនាំងរារាំងមនុស្សមិនឲ្យសម្រេចបាននូវអ្វីដែលមនុស្សគ្រប់រូបចង់ធ្វើ ហើយវាបានកាត់ផ្តាច់យើងឲ្យនៅឆ្ងាយពីភាពជោគជ័យទៀតផង។ ប្រវត្តិសាស្ត្របានប្រាប់មនុស្សថាភាពភ័យខ្លាច គឺជាកម្លាំងជំរុញឲ្យមានសង្គ្រាម អំពើប្រល័យពូជសាសន៍ ការបៀតបៀន និង កុបកម្ម។
៦) ទស្សនៈ និង សកម្មភាពរបស់ខ្លួន ជះឥទ្ធិពលដល់អនាគតខ្លួនឯង
អ្វីដែលពួកយើងចំណាយពេលវេលាដើម្បីគិត និង សកម្មភាពកំពុងធ្វើ វានឹងជះឥទ្ធិពលដោយផ្ទាល់ចំពោះអនាគតរបស់អ្នក។ អ្នកគួរចំណាយពេល វិនិយោគចំពោះពេលវេលា និង ថាមពលរបស់ខ្លួន ទៅក្នុងរឿងអ្វីដែលអ្នកចូលចិត្ត ឬ ជាក្តីស្រមៃរបស់ខ្លួនគឺជារឿងល្អបំផុតសម្រាប់ថ្ងៃអនាគតរបស់អ្នក។
៧) ត្រូវចេះដើររំលងនូវរឿងដែលអ្នកស្អប់
អ្នកមិនគួរបណ្តោយឲ្យរឿងដែលអ្នកស្អប់ កប់ទុកក្នុងចិត្តរបស់អ្នកឡើយ ហើយវាអាចធ្វើឲ្យជីវិតអ្នកមានភាពស្តាយក្រោយ ដូច្នេះអ្នកគួរតែចេះធ្វើឲ្យវាចាកចេញពីអ្នក ឬ ដើររំលងវាដើម្បីធ្វើឲ្យខ្លួនអ្នកមានសេរីភាព។
0 comments:
Post a Comment