១០) American Universityនៅទីក្រុងឌុយបៃប្រទេសអារ៉ាប់រួម
សាកលវិទ្យាល័យអាមេរិកាំង (American University) នៅទីក្រុងឌុយបៃប្រទេសអារ៉ាប់រួម ត្រូវបានគេមើលឃើញថា ជាសាកលវិទ្យាល័យមួយដែលសំបូរទៅដោយកូនៗវណ្ណៈអភិជន ឬ កូនអ្នកមានរៀនច្រើនជាងគេបំផុតលំដាប់ទី១០ នៅលើពិភពលោក។ បើលោកអ្នកធ្វើដំណើរទៅកាន់សាកលវិទ្យាល័យមួយនេះ លោកអ្នកនឹងបានឃើញរថយន្តស៊េរីទំនើបៗ លំដាប់ថ្លៃចតពេញសាលា ដែលសុទ្ធសឹងតែកូនអ្នកមានជិះជាពុំខាន។
៩) University of London ប្រទេសអង់គ្លេស
ជាមួយនិស្សិតសិក្សាប្រមាណ ១២០ ០០០នាក់មកពីជុំវិញពិភពលោក សាកលវិទ្យាល័យឡុងដុង (University of London) របស់អង់គ្លេស បានជាប់ចំណាត់ថ្នាក់ជាសាកលវិទ្យាល័យសំបូរកូនៗអ្នកមានរៀនច្រើនជាងគេបំផុតលំដាប់ទី៩។ និស្សិតប្រមាណ ៤៥% ត្រូវបានគេជឿជាក់ថា ជាកូនអ្នកមានប្រាក់មកពីជុំវិញពិភពលោក ខណៈដែលមហាសេដ្ឋីអង់គ្លេស ៧,៥% បានចេញមកពីសាលានេះ។
៨) Stanford University ប្រទេសអាមេរិក
និស្សិតមកពីសាកលវិទ្យាល័យ Stanford ត្រូវបានគេរកឃើញថា គឺជានិស្សិតមានប្រភពចេញមកពីគ្រួសារអ្នកមានកំពូលៗមកពីជុំវិញពិភពលោក។ វាជាសាកលវិទ្យាល័យដែលមានតម្លៃសិក្សាខ្ពស់ពោលគឺមានប្រមាណ ៦ ម៉ឺនដុល្លារក្នុងមួយឆ្នាំៗ។
៧) Oxford University ប្រទេសអង់គ្លេស
សាកលវិទ្យាល័យនេះត្រូវបានគេចាត់ទុកថា ជាសាកលវិទ្យាល័យមួយដែលបានអប់រំជាមូលដ្ឋានលើភាពជាអ្នកមាន ពោលគឺមហាសេដ្ឋីនេះឯង។ អ្នកវិទ្យាសាស្ត្រ សហគ្រិន ភាពជាអ្នកដឹកនាំ និង មុខវិជ្ជាផ្សេងៗទៀត សុទ្ធសឹងតែលក្ខណៈពិសេសរបស់សាកលវិទ្យាល័យនេះ តែមានតែកូនៗអ្នកមាន និង និស្សិតដែលមានសមត្ថភាពពិតប្រាកដប៉ុណ្ណោះ ទើបមានលទ្ធភាពគ្រប់គ្រាន់អាចរៀនសាកលវិទ្យាល័យនេះបាន។
៦) University of Mumbai ប្រទេសឥណ្ឌា
ស្ថិតនៅក្នុងប្រទេសឥណ្ឌា សាកលវិទ្យាល័យនេះបានជាប់ចំណាត់ថ្នាក់ជាសាកលវិទ្យាល័យទី៦ ដែលសំបូរទៅដោយកូនៗអ្នកមានប្រាក់រៀនច្រើនជាងគេ។ មហាសេដ្ឋីឥណ្ឌាល្បីៗ ភាគច្រើនបានចេញពីសាលាមួយនេះ ហើយសម្រាប់គ្រួសារដែលមានប្រាក់ច្រើនក៏មិនសូវមើលរំលងកូនៗរបស់ពួកគេឲ្យរួចផុតពីសាលាមួយនេះដែរ។
៥) University of Pennsylvania សហរដ្ឋអាមេរិក
នៅសាលានេះ គេសង្កេតឃើញថា មាតាបិតាសិស្សដែលមានរកប្រាក់ចំណូលច្រើនជាង ២៥០ ០០០ដុល្លារឡើងទៅបានបញ្ជូនកូនៗរបស់ខ្លួនទៅសិក្សានៅទីនេះ។ ក្នុងតម្លៃសិក្សា ប្រមាណ ៦ ម៉ឺនដុល្លារក្នុងមួយឆ្នាំ គេឃើញមានកូនៗរបស់មហាសេដ្ឋីល្បីៗ តារាភាពយន្ត សិល្បករ ជាដើម មានវត្តមានច្រើននៅក្នុងសាកលវិទ្យាល័យនេះ។
៤) Brown University សហរដ្ឋអាមេរិក
ងាកមកមើលសាកលវិទ្យាល័យ Brown វិញដែលស្ថិតនៅលើទឹកដីអាមេរិកដែរនោះ កាន់តែអស្ចារ្យជាងសាកលវិទ្យាល័យ Pennsylvania ទៅទៀត។ បើនិយាយពីឈ្មោះតារាល្បីៗ និង កូនៗអ្នកមានទ្រព្យសម្បត្តិស្តុកស្តម្ភ Brown ជាប់ឈ្មោះជាសាលាលេចធ្លោមួយ ដែលអ្នកមានប្រាក់ច្រើនមិនសូវមើលរំលង។
៣) Yale University សហរដ្ឋអាមេរិក
សាកលវិទ្យាល័យ Yale ដែលល្បីឈ្មោះខាងផ្តល់គុណភាពអប់រំល្អបំផុតក្នុងចំណោមសាកលវិទ្យាល័យកំពូលៗក្នុងលោក ក៏សំបូរកូនៗអ្នកមានទៅរៀនច្រើនដែរ។ និស្សិត ៦៩% ត្រូវបានគេរកឃើញថា មានប្រភពចេញពីគ្រួសារអ្នកមានប្រាក់មកពីជុំវិញពិភពលោក។
២) Columbia University សហរដ្ឋអាមេរិក
ស្ថិតនៅក្នុងទីក្រុង ញីវយ៉ក សាកលវិទ្យាល័យ Columbia បានជាប់ចំណាត់ថ្នាក់ទី២ ជាសាកលវិទ្យាល័យដែលមានកូនៗអ្នកមានរៀនច្រើនជាងគេបំផុត។ ជាមួយតម្លៃសិក្សាប្រមាណ ៦៤ ០០០ដុល្លារក្នុងមួយឆ្នាំ សាលានេះក៏ល្បីដែររឿងសំបូរនិស្សិតពូកែៗ ដែលជោគជ័យច្រើនក្នុងអាជីពការងារ។
១) Harvard University សហរដ្ឋអាមេរិក
និស្សិតសាកលវិទ្យាល័យ Harvard ចំនួន ៤៥% ត្រូវបានគេរកឃើញថា មានប្រភពមកពីគ្រួសារអ្នកមានប្រាក់ស្តុកស្តម្ភនៅជុំវិញពិភពលោកដែលរកប្រាក់ចំណូលបានចាប់ពី ២ សែនដុល្លារឡើងទៅ។ វាជាសាកលវិទ្យាល័យមួយដែលជោគជ័យបំផុតលើការបណ្តុះបណ្តាលភាពជាអ្នកមានក្នុងនោះនិស្សិតដែលបញ្ចប់សិក្សានៅទីនេះជិត ៣ ០០០នាក់បានក្លាយជាអ្នកមាន មានទ្រព្យសម្បត្តិចាប់ពី ២០០លានដុល្លារឡើងទៅ។ អតីតប្រធានាធិបតីអាមេរិកលោក George W Bush មហាសេដ្ឋី Bill Gates ស្ថាបនិកក្រុមហ៊ុន Facebook លោក Mark Zuckerberg ក៏ជាអតីតនិស្សិតសាកលវិទ្យាល័យនេះដែរ៕
0 comments:
Post a Comment