 |
| លោក Elon Musk មហាសេដ្ឋីអាមេរិក |
លោក Elon Musk ដែលជានាយកប្រតិបត្តិក្រុមហ៊ុនរថយន្តTesla Motors និង ក្រុមហ៊ុនអវកាស SpaceX ដ៏ល្បីល្បាញលំដាប់ពិភពលោករបស់អាមេរិក បានបង្ហើបពីការទទួលទានដំណេករបស់លោក ដោយមានប្រសាសន៍ថា លោកបានទទួលទានដំណេកត្រឹមតែ ៦ ម៉ោងប៉ុណ្ណោះក្នុងមួយថ្ងៃ។
រយៈពេលទទួលទានដំណេករបស់លោក មានចំនួនតិចជាងរយៈពេលគិតជាមធ្យមនៃការទទួលទានដំណេករបស់មនុស្សទូទៅដែលត្រូវបានណែនាំដោយសមាគមទទួលទានដំណេកជាតិរបស់អាមេរិកដែលហៅថា (NSF—National Sleep Foundation)។
តាមសមាគមនេះបានផ្ដល់ដំបូន្មានថា ជាមធ្យមយុវជនដែលមានអាយុ ១៨ ឆ្នាំឡើងទៅគួរទទួលទានដំណេកឲ្យបានពី ៧ ទៅ ៩ម៉ោងក្នុងមួយថ្ងៃទើបធ្វើឲ្យសុខភាពរឹងមាំ រក្សាទម្ងន់ និង ធ្វើឲ្យខួរក្បាលមានការចងចាំបានល្អ។
រយៈពេលនៃការទទួលទានដំណេកខ្លីរបស់មហាសេដ្ឋីវ័យ ៤៣ ឆ្នាំខាងលើបានធ្វើឲ្យគេកត់សម្គាល់បានថា ទំនងមហាសេដ្ឋីរូបនេះយកពេលយ៉ាងច្រើនលើសលប់របស់លោកជារឿងរាល់ថ្ងៃយកចិត្តទុកដាក់លើគម្រោងអភិវឌ្ឍកម្មវិធីបច្ចេកវិទ្យាអវកាស និង ក្រុមហ៊ុនរថយន្តរបស់លោកដែលជាមហិច្ឆតាធំនៅពេលអនាគត។
ទោះបីជាបែបនេះក្តី ក្រោមការដឹកនាំគ្រប់គ្រងរបស់លោក ក្រុមហ៊ុនទាំងនេះនៅតែដំណើរការយ៉ាងរលូនបន្តទៀត ហើយ មហាសេដ្ឋីរូបនេះនៅតែជោគជ័យដដែលទោះបីជាលោកទទួលទានដំណេកមិនគ្រប់គ្រាន់យ៉ាងណាក៏ដោយ៕
0 comments:
Post a Comment