គោលការណ៍ទាំង ១០ ដើម្បីបើកអាជីវកម្មឲ្យជោគជ័យ ពីសេដ្ឋីលេខ ១៨ ពិភពលោក Sheldon Adelson forbes.com
Sheldon Adelson ជាមហាសេដ្ឋីជំនួញសញ្ជាតិអាមេរិកមួយរូប លោកជាប្រធាន និង នាយកប្រតិបត្តិ កាស៊ីណូ Las Vegas Sands Corporation ដ៏ល្បីល្បាញប្រចាំសហរដ្ឋអាមេរិក ហើយលោកក៏ជាមហាសេដ្ឋីលេខ ១៨ ពិភពលោក ដែលមានទ្រព្យសម្បត្តិដល់ទៅ ៣១,៤ ពាន់លានដុល្លារ។
១) ធ្វើរឿងដែលខុសពីគេ ៖ បើតាមលោក Sheldon Adelson នៅពេលដែលអ្នកធ្វើអ្វីដែលខុសប្លែកពីមនុស្សដទៃធ្វើក្នុងអាជីវកម្ម ភាពជោគជ័យនឹងរត់តាមពីក្រោយអ្នកដូចស្រមោលអន្ទោលតាមប្រាណ។
២) ត្រូវដឹងពីរៀបនៃការបើកអាជីវកម្ម ៖ លោក Sheldon Adelson ថ្លែងថាអ្នកត្រូវតែស្វែងយល់ពីរៀបនៃការធ្វើអាជីវកម្មរបស់ក្រុមហ៊ុនទូទៅ ប៉ុន្តែមិនមែនអ្នកយកវាមកធ្វើរឿងដូចគ្នានោះទេ តែជារឿងថ្មីមួយទៀតដែលខុសប្លែកពីគ្នា ក្នុងទម្រង់ផ្សេងគ្នា។
៣) ត្រូវមានក្តីសុបិន ៖ រាល់ភាពច្នៃប្រឌិត រាល់គម្រោងអាជីវកម្មណាមួយសុទ្ធតែកើតចេញពីក្តីសុបិនការស្រលាញ់ចំណូលចិត្ត ដែលអ្នកចង់បាននៅថ្ងៃមុខ ដូច្នេះបើគ្មានក្តីសុបិន ប្រហែលជាគ្មានការពិតណាមួយដែលអ្នកចង់បានឡើយ។
៤) មិនត្រូវនិយាយកុហកលើរឿងអ្វីមួយ ៖ លោក Sheldon Adelson និយាយថាដើម្បីក្លាយខ្លួនជាអ្នកមានពីវិស័យអាជីវកម្មអ្នកមិនត្រូវនិយាយកុហកនោះឡើង គឺត្រូវតែមានភាពស្មោះត្រង់ ព្រោះការកុហកធ្វើឲ្យអ្នកបាត់គុណតម្លៃផ្ទាល់ខ្លួន និង បាត់ជំនឿទុកចិត្តពីដៃគូវិនិយោគរបស់អ្នក។
៥) ត្រូវមានគំនិតសុទិដ្ឋិនិយម ៖ សុទិដ្ឋិនិយម មិនមែនជាអំនួតឡើយ តែវាជាការបង្ហាញចេញនូវគំនិតមួយបែបវិជ្ជមាន ថាអ្វីមួយល្អនឹងកើតឡើងមកលើអ្នក ហើយនឹងរឿងទាំងឡាយដែលអ្នកជឿថាអ្នកអាចធ្វើបាន។
៦) កុំធ្វើការសម្របសម្រួល ៖ លោក Sheldon Adelson ថ្លែងថាលោកមិនមែនតឹងរ៉ឹងដូចវិន័យក្នុងយោធាឡើយ ប៉ុន្តែមនុស្សគ្រប់រូបត្រូវដើរតាម ខ្សែបន្ទាត់ដែលលោកកំណត់ទោះបីជាលំបាកយ៉ាងណាក៏ដោយ ក៏មិនត្រូវសម្រាប់តាមឆន្ទៈមនុស្សដទៃនោះដែរ។
៧) ចូលរួមគាំទ្រដល់សហគមន៍ ៖ ការចូលរួមគាំទ្រដល់សង្គមជាតិគឺជាសកម្មភាពស្ទើរតែទូទៅហើយដែលមហាសេដ្ឋីនៅជុំវិញពិភពលោកធ្វើ ព្រោះការគាំទ្រសហគមន៍អាចជួយឲ្យក្មេងក្រីក្រមានឱកាសរៀនសូត្រ ព្រោះពូកគេអាចក្លាយជាអ្នកមានដូចអ្នក ក្លាយជាមនុស្សឆ្លាតដូចអ្នក ប្រសិនបើអ្នកចេះជួយ និង ផ្តល់ឱកាសឲ្យពួកគេ។
៨) ត្រូវមានចក្ខុវិស័យវែងឆ្ងាយ ៖ នៅពេលដែលអ្នកដើរដល់ចំណុចជោគជ័យណាមួយហើយអ្នកមិនគួរនៅស្ងៀមមួយកន្លែងនោះឡើយ អ្នកត្រូវតែសម្លឹងមើលផ្លូវដើរទៅមុខជាប់ជានិច្ច ដើម្បីបន្តអភិវឌ្ឍខ្លួន។
៩) មិនត្រូវមានភាពភ័យខ្លាចនៅក្នុងខ្លួនឡើយ ៖ ភាពភ័យខ្លាចបាន រារាំងមនុស្សមិនឲ្យបោះជំហានទៅមុខឡើយ ហើយពេលខ្លះគឺទាញមនុស្សឲ្យដើរថយក្រោយទៀតផង ដូច្នេះបើអ្នកចង់ដើរទៅមុខឲ្យដល់គោលដៅដែលខ្លួនចង់បាន ត្រូវតែជម្រុះឲ្យអស់រាល់ភាពភ័យខ្លាចរបស់អ្នក។
១០) មិនត្រូវធ្វើអ្វីមួយដើម្បីតែលុយពេកនោះទេ ៖ ធម្មតាមនុស្សធ្វើការដើម្បីលុយ តែបើយកលុយជាធំខ្លាំងពេក អាចបង្កគ្រោះថ្នាក់ដល់ខ្លួនឯង និង សង្គមទៅវិញទេ អ្វីដែលអ្នកបង្កើតអ្វីដែលអ្នកធ្វើត្រូវប្រាកដផងដែរថា ជារបស់ដែលចូលរួមធ្វើឲ្យផ្លាស់ប្តូរសង្គម រីកចម្រើនលូតលាស់ទៅមុខ។
0 comments:
Post a Comment