កម្មវិធីFacebook នឹងចេញសារជូនដំណឹង ប្រសិនបើគណនេយ្យរបស់អ្នកត្រូវគេលួចតាមដាន metro.co.uk
បណ្ដាញសង្គមយក្ស Facebook នឹងបន្ថែមលក្ខណៈថ្មីមួយទៀតដើម្បីជូនដំណឹងដល់អ្នកប្រើប្រាស់ប្រសិនបើគណនេយ្យរបស់អ្នកកំពុងត្រូវបានគេតាមដានពីសំណាក់រដ្ឋាភិបាល ឬ ពីសំណាក់ក្រុម Hacker ជាដើម ។ មន្ត្រីគ្រប់គ្រងខាងផ្នែកសន្តិសុខរបស់បណ្ដាញសង្គម Facebook លោក Alex Stamos បានសរសេរនៅលើប្លុករបស់លោកថា កម្មវិធី Facebook និងជូនដំណឹងដល់ម្ចាស់គណនេយ្យ ប្រសិនបើគណនេយ្យមួយនោះកំពុងត្រូវបានគេតាមដាន។
លោក Stamos បន្ថែមទៀតថា Facebook មានគម្រោងដាក់ឲ្យប្រើកម្មវិធីព្រមានមួយនេះនៅក្នុងលក្ខខ័ណ្ឌមួយនៅពេលដែលពួកគេទទួលបានភស្តុតាង និងការសន្និដ្ឋានច្បាស់លាស់។ ប្រសិនបើអ្នកប្រើប្រាស់ទទួលបាននូវការជូនដំណឹងព្រមានមួយនេះ ក្រុមហ៊ុននឹងណែនាំឲ្យអ្នកប្រើប្រាស់ផ្លាស់ប្ដូរលេខសម្ងាត់ ឬ ធ្វើការផ្លាស់ប្ដូរប្រព័ន្ធសារជាថ្មីពេលគណនេយ្យរបស់អ្នកមានការឆ្លងនូវមេរោគ។
បន្ថែមលើសពីនេះការបើកឲ្យដំណើរការនូវកម្មវិធី Login Approvals គឺជាគន្លឹះដ៏ល្អមួយសម្រាប់ការពារពីលួចចូលគណនេយ្យរបស់អ្នកពីបុគ្គលដទៃ។ នៅពេលណាដែលគណនេយ្យដំណើរការតាមរយៈ ឧបករណ៍ផ្សេងៗដូចជាកុំព្យូទ័រ ទូរស័ព្ទ ឬ Tablet ជាដើម Facebook និងផ្ញើលេខកូដសម្ងាត់ចូលមកទូរស័ព្ទដៃរបស់អ្នក។ ដូច្នេះការបន្ថែមលក្ខណៈសម្បត្តិថ្មីនេះក្រុមហ៊ុន Facebook សង្ឃឹមថានឹងអាចជួយដល់អ្នកប្រើប្រាស់អាចការពារទិន្នន័យផ្ទាល់ខ្លួនរបស់ពួកគេបាន ថែមទាំងបង្កើនប្រព័ន្ធសុវត្ថិភាពមួយកម្រិតទៀតដើម្បីតាមដាននឹងការពារពីការលួចវាយប្រហារណាមួយ។
ការប្រកាសបន្ថែមលក្ខណៈសម្បត្តិថ្មីនេះធ្វើឡើងនៅពេលដែលប្រធានាធិបតីចិនលោក Xi Jinping បានប្រាប់ទៅកាន់លោក Barack Obama ថាប្រទេសចិនមិនដែលមានការគាំទ្រដល់ក្រុម Hacker ឡើយ។
0 comments:
Post a Comment