រថយន្តជជុះជាច្រើនគ្រឿង ដែលខ្លះរក្សាបានទ្រង់ទ្រាយដើមល្អ ឯខ្លះទៀតខូចខាតបន្តិចបន្តួច ត្រូវគេឃើញទម្លាក់មកដាក់លក់ត្រៀមត្រានៅមជ្ឈមណ្ឌលម៉ុងឌីយ៉ាល់មុខអគារ D តាំងពីយប់រហូតដល់ព្រឹកព្រលឹម។ ឈ្មួញកណ្ដាល និងអ្នកប្រើប្រាស់ភាគច្រើន បានទៅពិនិត្យស្ថានភាពជាក់ស្ដែងនាពេលព្រឹកដើម្បីសម្រេចចិត្តថាអាចទិញមកជិះ ឬជួសជុលលក់បន្តបានឬយ៉ាងណា។
បើតាមឈ្មួញកណ្ដាលម្នាក់ដែលសុំមិនបញ្ចេញឈ្មោះបានប្រាប់ Sabay ថា រថយន្តទាំងអស់ភាគច្រើនដឹកមកពីខេត្តព្រះសីហនុ ហើយអ្នកជួញឡានបានមកពិនិត្យដោយផ្ទាល់ដើម្បីទិញយកទៅជួសជុល វាយពន្ធ រួចដាក់លក់បន្ត។ លោកបានបញ្ជាក់ថា រាល់ថ្ងៃត្រូវប្រញាប់រួសរាន់មកពីយប់ ទើបអាចរើសបានរថយន្តល្អ និងចំណេញបានច្រើន។
តាមស្ថានភាពជាក់ស្ដែង រថយន្តខ្លះនៅល្អគ្រប់ទ្រង់ទ្រាយដើម ឯរថយន្តខ្លះទៀតខូចខាតរូបរាងបណ្ដាលមកពីការប៉ះទង្គិចគ្នាពីមុនមក។ ការដាក់លក់នេះមមាញឹកតែពេលព្រឹកប៉ុណ្ណោះ រហូតដល់ថ្ងៃបន្តិច រថយន្តទាំងនោះក៏បាត់ពីមជ្ឈមណ្ឌលម៉ុងឌីយ៉ាល់ទៅតាមកន្លែងជួសជុលរៀងៗខ្លួន បន្ទាប់ពីអ្នកទិញចរចាតម្លៃគ្នាត្រូវ៕
0 comments:
Post a Comment