១) សៀវភៅ Eleven Rings
សៀវភៅ Eleven Rings ជាស្នាដៃនិពន្ធរបស់លោក Phil Jackson ដែលជាគ្រូដឹកនាំក្រុមបាល់បោះ NBA ទទួលបានជោគជ័យច្រើនជាងគ្រូបាល់បោះដទៃផ្សេងទៀតក្នុងប្រវត្តិកីឡាបាល់បោះ។ នៅក្នុងសៀវភៅរបស់លោក Jackson បានរៀបរាប់ពីអាថ៌កំបាំង នៃធាតុដែលធ្វើឲ្យមានតុល្យភាពក្នុងក្រុម និងពិពណ៌នាពីការដឹកនាំកីឡាករ Michael Jordan ឲ្យក្លាយជាកីឡាករល្អបំផុតលើលោកផ្នែកបាល់បោះ។
២) សៀវភៅ What It Take to Be #1
សៀវភៅ What It Take to Be #1 ជាស្នាដៃនិពន្ធរបស់លោក Vince Lombardi, Jr ដែលជាគ្រូដឹកនាំក្រុមកីឡាបាល់អោប។ នៅក្នុងសៀវភៅរបស់លោកបានរៀបរាប់ពីរបៀបឲ្យក្លាយជាអ្នកដឹកនាំប្រកបដោយប្រសិទ្ធភាព ក្នុងការសម្រេចជោគជ័យ មិនថាក្នុងវិស័យកីឡា ឬ អាជីវកម្មនោះទេ។
៣) សៀវភៅ Lagacy
សៀវភៅ Lagacy ជាស្នាដៃនិពន្ធរបស់លោក James Kerr ដែលជាគ្រូដឹកនាំក្រុមកីឡាបាល់អោបមកពីប្រទេស នូវែលហ្សេឡង់ បានបង្ហាញពីភាពជាអ្នកដឹកនាំ និង ការដោះស្រាយបញ្ហានៅពេលដែលមានការរងសម្ពាធផ្លូវចិត្ត ដែលជាកត្តាជំរុញឲ្យខ្លួនឯងទទួលបានជោគជ័យគ្រប់កាលៈទេសៈទាំងអស់។
៤) សៀវភៅ Playbook for Success
សៀវភៅ Playbook for Success ជាសៀវភៅនិពន្ធឡើងដោយលោកស្រី Nancy Lieberman ដែលជាគ្រូដឹកនាំកីឡា បាល់បោះ ។ នៅក្នុងសៀវភៅ Playbook for Success លោកស្រីបានរៀបរាប់ពីរបៀបធ្វើការងារជាក្រុម និងបច្ចេកទេសក្នុងភាពជាអ្នកដឹកនាំ ដែលធ្វើឲ្យការងាររបស់លោកស្រីឈានដល់ចំណុចកំពូល។
៥)សៀវភៅ How to Win at the Sport of Business
សៀវភៅ How to Win at the Sport of Business ជាស្នាដៃនិពន្ធរបស់លោក Mark Cuban ជាវិនិយោគិននិងមហាសេដ្ឋីមួយរូប ហើយថែមទាំងជាម្ចាស់ក្រុមបាល់បោះ Dallas Mavericks ។ នៅក្នុងសៀវភៅរបស់លោកបានបង្ហាញពីរបៀបយកឈ្នះគូប្រកួតក្នុងសមរភូមិ និងពេលបោះជំហានចូលសមរភូមិមួយផ្សេងទៀត។
0 comments:
Post a Comment