៩) សៀវភៅ The Investment Answer
The Investment Answer ដែលជាស្នាដៃនិពន្ធរបស់លោក Daniel C. Goldie ដែលជាអ្នកផ្ដល់ដំបូន្មានផ្នែកហិរញ្ញវត្ថុ និងលោក Gordon S. Murray ជាអ្នកលេខភាគហ៊ុនជើងចាស់ ប្រចាំ Wall Street ។ ក្នុងសៀវភៅរបស់អ្នកទាំងពីរ មានគោលបំណងផ្ដល់នូវការណែនាំទូទៅក្នុងការវិនិយោគ ដោយការផ្ដោតសំខាន់ទៅលើការសម្រេចចិត្តទាំង៥ ដែលវិនិយោគិនគ្រប់រូបត្រូវធ្វើ។ វិធីទាំងនេះពន្យល់ពីការធ្វើវិនិយោគជាលក្ខណៈបុគ្គល ឬ ជាមួយក្រុមដែលមានវិជ្ជាជីវៈពីរបៀបនៃការគ្រប់គ្រងភាគហ៊ុន មូលប័ត្របំណុល និងពេលដែលត្រូវទិញនិងលក់ទ្រព្យរបស់ខ្លួន។
៨) សៀវភៅ Security Analysis
សៀវភៅមួយក្បាលនេះជាស្នាដៃនិពន្ធរបស់លោក Benjamin Graham និងលោក David L. Dodd គឺជាអ្នកប្រឹក្សាយោបល់ឲ្យលោកមហាសេដ្ឋី Buffett ។ សៀវភៅមួយក្បាលនេះបង្ហាញពីរបៀបនៃការវិភាគប្រកបដោយប្រសិទ្ធភាពដើម្បីរកឲ្យឃើញពីតម្លៃរបស់ក្រុមហ៊ុន និងពីតម្រូវការរបស់ទីផ្សារ។
៧) សៀវភៅ A Random Walk Down Wall Street: The Time-Tested Strategy for Successful Investing
សៀវភៅ A Random Walk Down Wall Street ជាស្នាដៃនិពន្ធដោយលោក Burton Malkiel ដែលបានបង្ហាញពីយុទ្ធសាស្ត្រនៃការវិនិយោគ និងរឿងអបិយជំនឿមួយចំនួនដែលអាចកើតមានឡើង។
៦) សៀវភៅ The Essays of Warren Buffet
សៀវភៅ The Essays of Warren Buffet ជាស្នាដៃនិពន្ធដោយលោកមហាសេដ្ឋី Warren Buffet ខ្លួនឯងផ្ទាល់មានកម្រាស់ ៧០០ ទំព័រ ដែលលោកបានបង្ហាញឲ្យឃើញច្បាស់ពីទស្សនវិជ្ជារបស់ពួកមហាសេដ្ឋីទៅលើវិស័យធ្វើអាជីវកម្ម ការវិនិយោគ និង ពីជីវិតរស់នៅជាក់ស្ដែង និង បានពន្យល់ពីភាពខុសគ្នានៃពាក្យថាតម្លៃ (Price) និងពាក្យ គុណតម្លៃ (Value) ។
៥) សៀវភៅ Reminiscences of a Stock Operator
សៀវភៅមួយក្បាលនេះជាស្នាដៃនិពន្ធដោយលោក Edwin Lefevre ដែលជាសៀវភៅពេញនិយមបំផុតសម្រាប់ការធ្វើវិនិយោគតាំងពីឆ្នាំ ១៩២៣ មក ដែលសៀវភៅនេះរៀបរាប់ពីរបៀបធ្វើវិនិយោគរបស់លោក Jessie Livermore ដែលបានឈ្នះ និង ចាញ់ប្រាក់រាប់លានដុល្លារក្នុងពេលលេងភាគហ៊ុនអំឡុងទសវត្ស ឆ្នាំ ១៩០០ ។
៤) សៀវភៅ Common Stocks and Uncommon Profits
Common Stocks and Uncommon Profits ជាស្នាដៃនិពន្ធរបស់លោក Philip Fisher បានសង្កត់ធ្ងន់ទៅលើការដោះស្រាយវិបត្តិហិរញ្ញវត្ថុ និងការវាយតម្លៃពីការរៀបចំរបស់ក្រុមហ៊ុន ដោយលោកបានលើកហេតុផលចំនួន ១៥ យកមកនិយាយក្នុងសៀវភៅរបស់លោក ។
Common Stocks and Uncommon Profits ជាស្នាដៃនិពន្ធរបស់លោក Philip Fisher បានសង្កត់ធ្ងន់ទៅលើការដោះស្រាយវិបត្តិហិរញ្ញវត្ថុ និងការវាយតម្លៃពីការរៀបចំរបស់ក្រុមហ៊ុន ដោយលោកបានលើកហេតុផលចំនួន ១៥ យកមកនិយាយក្នុងសៀវភៅរបស់លោក ។
៣) សៀវភៅ The Clash of the Cultures
The Clash of the Cultures ជាសៀវភៅនិពន្ធដោយលោក John Bogle ដែលបង្ហាញពី គន្លឹះវិនិយោគជាក់ស្ដែង ដូចជាការធ្វើឲ្យមានការកើនឡើងខ្លាំងនៃការប្រាក់ ការសម្រេចចិត្តក្នុងការទិញឬ លក់អ្វីមួយ ។
២) សៀវភៅ Elements of Investing: Easy Lessons for Every Investor
សៀវភៅមួយក្បាលនេះជាស្នាដៃនិពន្ធដោយលោក Burton Malkiel និង Charles Ellis ដោយអ្នកទាំងពីររៀបរាប់ពីមូលដ្ឋានដំបូងនៃការចាប់ផ្តើមធ្វើវិនិយោគក្នុងនាមជាវិនិយោគិន និងបង្ហាញពីការវិនិយោគគឺជារឿងតែមួយគត់ក្នុងជីវិត ដែលការប្រឹងប្រែងរបស់អ្នកអាចនាំមកនូវលទ្ធផលអាក្រក់។
១) សៀវភៅ The Most Important Thing Illuminated
The Most Important Thing Illuminated ជាស្នាដៃនិពន្ធដោយលោក Howard Marks ដែលលោកជាប្រធាននិងស្ថាបនិកក្រុមហ៊ុន Oak Tree Capital ។ នៅក្នុងសៀវភៅមួយក្បាលនេះលោក Marks មានបំណងចង់ជួយដល់វិនិយោគិន ឲ្យសម្រេចនូវជោគជ័យ ចំពោះអ្វីដែលពួកគេបានគិតនិងសម្រេចចិត្ត និងពីរបៀបសិក្សាពីកំហុសដែលខ្លួនបានបង្កើត ។
0 comments:
Post a Comment