នាពេលកន្លងមកនេះពោលគឺឆ្នាំ ២០១២ គឺជាឆ្នាំដែលស្ថាបនិកគេហទំព័រ Facebook លោក Zuckerberg បានដាក់ចេញនូវគោលបំណងរបស់លោកក្នុងការសរសេរកូដជារៀងរាល់ថ្ងៃ ដែលធ្វើឲ្យលោក Zuckerberg ស្វែងរកឃើញនូវបញ្ហាតូចតាចរបស់គេហទំព័រ Facebook ដោយលោកបានធ្វើការកែកម្មវិធីដោយខ្លួនឯងផ្ទាល់។ នៅពេលដែលលោក Zuckerberg បានធ្វើការកែកម្មវិធីប៉ុន្មាននាទីក្រោយមក កំហុសមួយចំនួនរបស់ Facebook ត្រូវបានកែឲ្យបានប្រសើរឡើងវិញ ។
នៅក្នុងកិច្ចប្រជុំមួយក្នុងអគារ Building 20 ជាមួយនិងមិត្តរួមការងារលោក Zuckerberg បាននិយាយថាយើងចង់ព្យាយាមបង្កើតនូវកម្មវិធីផ្ដល់ព័ត៌មានលំដាប់ទីមួយពិភពលោក បង្កើតកម្មវិធីផ្ញើសារលំដាប់ទីមួយពិភពលោក កម្មវិធីស្រាវជ្រាវទីមួយពិភពលោក និងប្រព័ន្ធផ្សព្វផ្សាយទីមួយរបស់ពិភពលោក ដោយលោក Zuckerberg បានប្រាប់ទៅកាន់មិត្តរួមក្រុមថាលោកមិនអាចសរសេរកូដបង្កើតវាបានឡើយសូម្បីតែមួយបន្ទាត់។
Facebook នៃថ្ងៃនេះ និងថ្ងៃស្អែកគឺកាន់តែពង្រីកធំឡើងៗជាងកាលពីប៉ុន្មានឆ្នាំមុនរបស់ខ្លួន បច្ចុប្បន្នមនុស្សចំនួនពាក់កណ្ដាលនៃពិភពលោកបានប្រើប្រាស់នូវសេវាចម្បងរបស់ Facebook ហើយនឹងកំពុងបន្តកើនឡើងទៀត។ ប៉ុន្តែមានមនុស្សចំនួន ៩០០ លាននាក់ប្រើប្រាស់កម្មវិធី WhatsApp ដែលនេះជាផ្នែកមួយសំខាន់នៃប្រព័ន្ធអេកូឡូស៊ីទាំងមូលនេះបើតាមការថ្លែងរបស់លោក Zuckerberg ។ ក្រៅពីមានមានមនុស្សច្រើនជាង ៤០០ លាននាក់កំពុងប្រើប្រាស់កម្មវិធីចែកចាយរូបថត Instagram ហើយមនុស្សច្រើនជាង ៧០០ លាននាក់ប្រើប្រាស់កម្មវិធីផ្ញើសារ Messenger និងច្រើនជាង ៧០០ លាននាក់ផ្សេងទៀតប្រើប្រាស់កម្មវិធី Groups ហើយពួកគេនឹងងាកទៅរកកម្មវិធីថ្មីៗជាបន្តទៀតនេះបើតាមការបន្ថែមរបស់លោក Zuckerberg ។
ការកកើតឡើងនូវសេវាសង្គមផ្សេងៗជាច្រើនបែបនេះបានធ្វើឲ្យក្រុមហ៊ុន Facebook របស់លោក Zuckerberg ត្រូវប្រកួតប្រជែងនៅថ្ងៃអនាគតទៅលើវិស័យបច្ចេកវិទ្យាចំនួន ៣ សំខាន់៖ ទី១ គឺការអភិវឌ្ឍកម្មវិធីស៊ើបការណ៍សម្ងាត់ដើម្បីជួយឲ្យFacebook យល់ពីបញ្ហារបស់អ្នកប្រើ។ ទី២ គឺបង្កើតឧបករណ៍ដែលអាចឲ្យអ្នកប្រើប្រាស់មើលឃើញនូវរូបភាពឬ ស្តាប់សំឡេង ក្នុងបណ្តាញសង្គម Facebook ធ្វើឲ្យខ្លួនហាក់បីដូចជានៅព្រឹត្តិការណ៍នោះជាក់ស្ដែងតែម្ដងដែលនេះជាអ្វីដែលក្រុមហ៊ុន Sony បានបង្កើតកម្មវិធីមួយឈ្មោះ Oculus VR ដែលត្រូវបាន Facebook ទិញយកក្នុងឆ្នាំ ២០១៤ ក្នុងតម្លៃ ២ ពាន់លានដុល្លារ ហើយលោក Zuckerberg ជឿថាកម្មវិធីមួយនេះនឹងក្លាយជាកម្មវិធីបច្ចេកវិទ្យាចម្បងនៅថ្ងៃអនាគតដែលមនុស្សប្រើសម្រាប់ទំនាក់ទំនងគ្នា។
ចំណែកទី៣ គឺការនាំយកអ៊ីនធឺណិត ដែលរួមមាន Facebook ទៅកាន់មនុស្សច្រើនជាង ៤ ពាន់លាននាក់បន្ថែមទៀតដែលមិនទាន់មានគណនេយ្យ Facebook ទោះបីជាត្រូវប្រើយន្តហោះគ្មានមនុស្សបើក (Drone) និងការបញ្ជូនទិន្នន័យតាមរយៈកាំរស្មីក៏ដោយ។ ក្នុងការធ្វើឲ្យជីវកម្មរបស់ Facebook មានភាពរឹងមាំលោក Zuckerberg បានយកចិត្តទុកដាក់ទៅលើចក្ខុវិស័យទាំងនេះ។
Facebook បានក្លាយជាកម្មវិធីរីកដុះដាលទៅជុំវិញពិភពលោកដ៏ធំមួយក្រោមការដឹកនាំរបស់ Zuckerberg និងបុគ្គលិកជាន់ខ្ពស់របស់លោកច្រើនរូបទៀតកំពុងស្វែងរកនូវរបកគំហើញថ្មីសម្រាប់ Facebook ទៅទសវត្សខាងមុខ។ ជាឧទាហរណ៍ស្រាប់ ក្រុមហ៊ុន Google ដែលមានលោក Larry Page ជានាយកប្រតិបត្តិបានវិនិយោគទៅលើវិស័យបច្ចេកវិទ្យាជាច្រើនដូចជា បង្កើតឡានបើកបរដោយស្វ័យប្រវត្តិ ដែលធ្វើឲ្យបច្ចេកវិទ្យាមួយនេះក្លាយជាអាជីវកម្មស្នូលមួយទៀតរបស់ Google ដែលទទួលបានគំនិតពីរោងចក្រផលិតមួយឈ្មោះថា Alphabet ។ ផ្ទុយមកវិញលោក Zuckerberg មិនចាប់អារម្មណ៍ធ្វើរឿងអ្វីផ្សេងក្រៅតែពីទស្សនវិស័យដែលមានជាប់ទាក់ទងយ៉ាងស៊ីជម្រៅជាមួយនឹងចំណុចស្នូលរបស់ក្រុមហ៊ុនខ្លួនប៉ុណ្ណោះ។
លោក Zuckerberg បានថ្លែងថាមានវិធីចំនួនពីក្នុងការរកគំនិតបង្កើតថ្មី ដោយលោកថ្លែងថាអ្នកគួរតែមើលពីភាពផ្ទុយមកវិញពីទស្សនៈ របស់ក្រុមហ៊ុន Google និង Alphabet នោះអ្នកនឹងអាចបណ្ដុះនូវគំនិតខ្លួនឯងរាប់មិនអស់។ បេសកកម្មរបស់ Facebook ទៅថ្ងៃអនាគតគឺផ្ដល់ឲ្យមនុស្សគ្រប់រូបនៅលើពិភពលោក ចែករំលែកនូវព័ត៌មានគ្នាទៅវិញទៅមក និងធ្វើឲ្យពិភពលោកកាន់តែបើកទូលាយក្នុងការភ្ជាប់ទំនាក់ទំនងគ្នា ដោយលោក Zuckerberg បន្ថែមថាលោកបានចំណាយពេល៣ភាគនៃពេលវេលាផ្ទាល់ខ្លួនដើម្បីរៀបចំគំនិតផ្ដួចផ្ដើមទៅថ្ងៃអនាគត ហើយរឿងដែលលោកគិតចេញមកនេះមិនអាចទទួលបរាជ័យបានឡើយ ដោយលោកនឹងប្រមូលអ្នកមានទេពកោសល្យទាំងឡាយមកធ្វើការដើម្បីសម្រេចបេសកកម្មរបស់ខ្លួន។
0 comments:
Post a Comment