១) រក្សាភាពអត់ធ្មត់
នៅពេលដែលមានរឿងណាមួយកុំពុងតែប្រព្រឹត្តិទៅយ៉ាងល្អក្នុងជីវិតអ្នក វាអាចជាកម្លាំងមួយបន្ថែមដើម្បីជំរុញល្បឿនអាជីវកម្មរបស់អ្នកឲ្យទៅមុខ។ ប្រសិនបើអ្នកបានធ្វើរឿងមួយដែលមានភាពល្អប្រសើរ តើហេតុអ្វីបានជាអ្នកមិនធ្វើវាឲ្យបានពីរ ឬ បី? ព្រោះពេលនេះវាជាឱកាសដែលអ្នកអាចពង្រឹងឱកាសខ្លួនបានកាន់តែច្រើន ហើយជាពេលដែលអ្នកកាត់បន្ថយបានកាន់តែតិចនូវហានិភ័យទាំងឡាយបានយ៉ាងមានប្រសិទ្ធភាព។
ប៉ុន្តែនៅពេលដែលមានរឿងដែលមិនល្អកើតឡើងក្នុងជីវិតអ្នក អ្វីដែលអ្នកត្រូវធ្វើការផ្ដល់ឲ្យខ្លួនឯងនូវភាពអត់ធ្មត់ ដើម្បីធ្វើការផ្លាស់ប្ដូរ និង សម្របខ្លួននៅក្នុងវិធីណាមួយដែលត្រឹមត្រូវ ព្រោះនៅក្នុងកាលៈទេសៈអ្នកកំពុងស្ថិតនៅក្នុងចំណុចគ្រោះថ្នាក់ ដូច្នេះវាតម្រូវឲ្យអ្នកលះបង់នូវពេលវេលាច្រើនដើម្បីទទួលបានការឈ្នះ។
២) បន្តរក្សានូវទស្សនៈវិស័យរបស់ខ្លួន
នៅពេលដែលបានទទួលនូវភាពជោគជ័យ វាអាចធ្វើឲ្យអ្នកមានអារម្មណ៍មិនចង់ឲ្យពេលវេលាមួយនេះឆាប់ចប់ឡើយ ព្រោះវាជាពេលដែលអ្នកមានអារម្មណ៍ថា អ្នកកំពុងបានធ្វើរឿងដ៏អស្ចារ្យ។ ប៉ុន្តែអ្នកត្រូវចងចាំថាក្នុងពិភពអាជីវកម្មជាក់ស្ដែង មានការប្រកួតប្រជែងខ្លាំង ហើយគ្មានអ្វីជាទីបញ្ចប់នៃភាពជោគជ័យនោះទេ អ្វីដែលសំខាន់គឺការបន្តនូវទស្សនៈវិស័យរបស់ខ្លួនទៅមុខឲ្យបានឥតឈប់ឈរ។
ប៉ុន្តែនៅពេលដែលអ្នកទទួលរងនូវភាពបរាជ័យវិញ អ្នកត្រូវផ្ដោតយកចិត្តទុកដាក់ឲ្យខ្លាំងចំពោះគោលដៅរបស់អ្នក ហើយត្រូវមានភាពក្លាហានប្រឈមមុខជាមួយនឹងវា ដោយអ្នកមិនគួរអនុញ្ញាតឲ្យពេលវេលាដែលបរាជ័យនេះមកកំណត់ទស្សនៈវិស័យរបស់អ្នកឡើយ។
៣) រក្សាអ្វីដែលជាការពិត
នៅពេលដែលអ្នកទទួលបានជោគជ័យ ភាគច្រើនមនុស្សនៅជុំវិញអ្នកតែងប្រាប់អ្នកថា អ្នកកំពុងជាមនុស្សពូកែលើសគេ។ ប៉ុន្តែសម្រាប់ខ្លួនអ្នកផ្ទាល់អ្នកមិនត្រូវពាក្យឃោសនាបំផ្លើសឡើយ ប៉ុន្តែប្រសិនបើនៅជុំវិញខ្លួនអ្នកសុទ្ធសឹងតែជាមនុស្សដែលត្រឹមត្រូវ ពួកគេអាចប្រាប់អ្នកថាភាពជោគជ័យរបស់អ្នកមិនទាន់គ្រប់គ្រាន់នៅឡើយទេ សម្រាប់អ្នក ដោយពួកគេអាចជាអ្នកដែលកំពុងប្រជែងជាមួយអ្នក ដើម្បីធ្វើឲ្យអ្នកបង្កើនការខិតខំប្រឹងប្រែងបន្ថែមទៀត។
ផ្ទុយមកវិញប្រសិនបើរងភាពបរាជ័យ អ្នកគួរបើកចិត្តឲ្យទូលាយ និង ត្រូវមានភាពស្មោះត្រង់ស្តីពីកត្តាដែលធ្វើឲ្យអ្នកបរាជ័យ ដោយរក្សាវាឲ្យនៅជាការពិត ដើម្បីបញ្ចៀសការបង្កើតបញ្ហាផ្សេងទៀត ដែលបង្ហាញថាអ្នកជាមនុស្សមិនហ៊ានប្រឈមនឹងការពិត និងជាមនុស្សគ្មានការទទួលខុសត្រូវ។
0 comments:
Post a Comment