១) ឆ្លងកាត់ការបំភិតបំភ័យ
នៅពេលដែលអ្នកចាប់ផ្ដើមបង្កើតក្ដីស្រមៃ ដើម្បីចង់ក្លាយជាសហគ្រិនមួយរូប ដោយអ្នកបានគិតថាអ្នកមិនអាចទៅរួចឬ មិនទាន់ត្រៀមខ្លួនរួច វាជារឿងធម្មតាទៅហើយនៃមនុស្សគ្រប់រូប។ ដើម្បីយកឈ្នះទៅលើការបំភិតបំភ័យ ឬ ភាពភ័យខ្លាច គឺជារឿងលំបាកខ្លាំងទោះបីជាបុគ្គលខ្លះមានមានឆន្ទៈមោះមុតនិងរឹងមាំយ៉ាងណាក៏ដោយ ហើយមានករណីខ្លះទៀត ការបំភិតបំភ័យនៅតែបន្តកើតមានចំពោះបុគ្គលដែលមានអាជីវកម្មផ្ទាល់ខ្លួនរួចទៅហើយ។ ប៉ុន្តែនៅពេលដែលអ្នកចាប់ផ្ដើមមានបទពិសោធន៍ក្រាស់ក្រែល ដូចជាសហគ្រិន ភាពបំភិតបំភ័យមួយចំនួនក៏ចាប់ផ្ដើមរលាយបាត់ ចេញពីខ្លួនអ្នក។
២) ចេះបង្កើតគំនិតថ្មីប្លែកខុសពីគេ
គំនិតនៃការបង្កើតថ្មីគឺជាកម្មសិទ្ធិរបស់សហគ្រិនក្នុងអំឡុងពេលដែលពួកគេរៀបចំគម្រោងអាជីវកម្ម។ នៅពេលដែលអ្នកមិនមានពេលដើម្បីមើល ថាអាជីវកម្មនោះជោគជ័យ ឬ អត់ ក៏ដោយអ្នកនៅតែសប្បាយចិត្តចំពោះអ្វីដែលខ្លួនបានបង្កើតហើយវាជាកម្មសិទ្ធិរបស់អ្នកតែម្នាក់គត់។ ហើយអ្នកត្រូវចាំថា គំនិតច្នៃប្រឌិតគឺជាជំនាញចុងក្រោយរបស់សហគ្រិន ប៉ុន្តែវានឹងរលាយបាត់ទៅវិញ បន្ទាប់ពីអ្នកបានចាប់ផ្ដើមធ្វើវាឲ្យចូលទៅក្នុងបញ្ហា។
៣) ហ៊ានដើរកាត់ភាពបរាជ័យ
រាល់សហគ្រិនគ្រប់រូបសុទ្ធតែធ្លាប់ទទួលរងបរាជ័យ ហើយបុគ្គលជោគជ័យភាគច្រើន បានដើរទៅដល់កន្លែងដែលពួកគេចង់ទៅ បន្ទាប់ពីពួកគេបានទទួលបទពិសោធន៍បរាជ័យ ក្នុងការធ្វើដំណើររបស់គេរួចមក។ ដូច្នេះគ្មានបញ្ហាទេថា អ្នកជាអ្នកណា ភាពបរាជ័យគ្រាន់តែជាភាពបំភិតបំភ័យអរូបិយចំពោះអ្នកប៉ុណ្ណោះ ហើយក្នុងដំណាក់កាលនេះ អ្នករាល់គ្នា គ្រាន់តែមានការគិតមួយដ៏ត្រឹមត្រូវសម្រាប់ខ្លួនឯង ជាមួយនឹងការប្ដេជ្ញាចិត្តតាមដែលអាចធ្វើទៅបាន។
៤) ចេះផ្ដល់ឱកាសឲ្យខ្លួនឯង
ការចេះផ្ដល់ឱកាសឲ្យខ្លួនឯង គឺជាដំណាក់កាលកើតឡើងនៅពេលអ្នកជួបបទពិសោធន៍នៃភាពបរាជ័យ ឬ ការខកចិត្តណាមួយ។ ដូច្នេះអ្នកត្រូវចេះផ្ដល់ឱកាសឲ្យខ្លួនឯង ដោយអ្នកត្រូវគិតថា លើលោកនេះការបរាជ័យលើកទី មួយគឺមិនមែនជាដំណាក់កាលបញ្ចប់ផ្លូវដើររបស់មនុស្សឡើយ ហើយចាប់ផ្តើមរំលឹកខ្លួនឯងឡើងវិញថា ហេតុអ្វីបានជាអ្នកចង់ក្លាយជាសហគ្រិន ហើយត្រូវចេះរៀបផែនការសម្រាប់ដើរសាជាថ្មី។
0 comments:
Post a Comment