អតីតអ្នកវិភាគរបស់ទូរទស្សន៍ Sky Sports លោក Gary Neville ត្រូវ Valencia តែងតាំងជាគ្រូបង្វឹកថ្មី ក្រោយលោក Nuno Espirito Santo បានលាឈប់កាលពីថ្ងៃអាទិត្យ។
វីរបុរសក្លិបបិសាចក្រហម Manchester United ខាងលើ បានមកធ្វើការក្នុងក្រុមដែលមានម្ចាស់ជាជនជាតិសិង្ហបុរី ជាមួយប្អូនប្រុសបង្កើតរបស់ខ្លួន Phil Neville ដែលជាជំនួយការគ្រូបង្វឹកនៅទីនោះស្រាប់។
Gary Neville បានបង្ហាញអារម្មណ៍ផ្ទាល់ខ្លួនថា៖ “ខ្ញុំពិតជាមានអារម្មណ៍រំភើបដែលត្រូវបានក្លិប Valencia ផ្ដល់ឱកាសឲ្យ។ Valencia គឺជាក្លិបដ៏ធំមួយដែលឈរជើងយ៉ាងរឹងមាំ ហើយមានអ្នកគាំទ្រដ៏អស្ចារ្យ ដែលខ្ញុំបានដឹងតាំងពីពេលនៅជាកីឡាករបាល់ទាត់មកម្ល៉េះ”។
អតីតខ្សែការពារដ៏រឹងមាំវ័យ៤០ឆ្នាំ បានចំណាយពេលមួយអាជីពរបស់ខ្លួនរួមរស់នៅទឹកដី Old Trafford តាំងពីឆ្នាំ១៩៩២ ហើយបានប្រកាសចូលនិវត្តន៍ក្នុងឆ្នាំ ២០១១។ មុនមកដឹកនាំ Valencia នេះ Neville ដែលមានសញ្ញាប័ត្រគ្រូបង្វឹក Licence A និងB របស់ UEFA នៅក្នុងដៃ ធ្លាប់ជាជំនួយការលោក Roy Hodgson ដឹកនាំក្រុមជម្រើសជាតិអង់គ្លេសផងដែរ៕
ខាងក្រោមនេះ ជារូបភាពពេល Gary Neville នៅជាជំនួយការក្រុមជម្រើសជាតិអង់គ្លេស
0 comments:
Post a Comment