ក្រុម Manchester City និង Tottenham Hotspur បានទទួលជ័យជម្នះដូចគ្នា ក្នុងការប្រកួត Premier League កាលពីយប់មិញ និងបន្តឈរក្នុងតំណែងកំពូលទាំង៤ (Top 4)។
Spurs បានយកឈ្នះលើ Everton ៣-២ នៅក្នុងដី បន្ទាប់ពី Harry Kane រកបាន២គ្រាប់ម្នាក់ឯង នៅនាទី២០, ៥៦ និង Dele Alli រកបានគ្រាប់ទី៣ នាទី៩០ ខណៈដែល Everton រកបាន២គ្រាប់ ដោយ Romelu Lukaku នាទី៨១ និង Enner Valencia នាទី៩០។
ចំណែកឯ Man City បានយកឈ្នះលើក្រុមបាតតារាង Sunderland ២-០ ដែលរកបានដោយខ្សែប្រយុទ្ធ Sergio Aguero នាទី៤២ និងកីឡាករវ័យក្មេង Leroy Sane នាទី៥៩។
លទ្ធផលនេះ បានធ្វើឲ្យ Spurs មាន៥៦ពិន្ទុ ឈរលេខ២ ចាញ់ក្រុមកំពូលតារាង Chelsea ដែលសល់១ប្រកួតក្នុងដៃ ៧ពិន្ទុ។ រីឯ Man City ឈរលេខ៣ និងសល់១ប្រកួតក្នុងដៃ មាន៥៥ពិន្ទុ លើ Liverpool ៣ពិន្ទុ៕
0 comments:
Post a Comment