ភាពបរាជ័យគឺជាផ្នែកមួយនៃជីវិតមនុស្សគ្រប់រូប ដែលសុទ្ធតែមិនអាចគេចបាន ជាពិសេសនៅក្នុងវិស័យអាជីវកម្ម ហើយពេលខ្លះមនុស្សដែលយកចិត្តទុកដាក់ពីភាពបរាជ័យទាំងនោះឡើយ ដូច្នេះអ្នកត្រូវដឹងថា ការបរាជ័យ គឺជាផ្នែកមួយនៃគ្រឹះទៅរកភាពជោគជ័យវិញ។
១) កំហុសមិនមែនជាបញ្ហានោះទេ តែប្រសិនបើអ្នកមិនចេះឆក់យកឱកាសដើម្បីរៀនពីកំហុសរបស់អ្នកទើបជាបញ្ហា
ការរកឃើញនូវកំហុសខ្លួនឯង ហើយនឹងចេះរៀនសូត្រពីវាគឺជារឿងល្អបំផុត មានមនុស្សជោគជ័យជាច្រើនដែលធ្លាប់មានបទពិសោធន៍ជាច្រើននៃការបរាជ័យ ហើយក៏បានបង្កើតភាពបរាជ័យនោះឲ្យទៅជាមេរៀនសម្រាប់ឲ្យខ្លួនឯងសិក្សា។ រៀនបរាជ័យនោះមានន័យថាអ្នកកំពុងស្វែងយល់ពីកំហុសនិងភាពខ្សោយរបស់ខ្លួន ដូច្នេះរាល់កំហុសដែលអ្នកប្រព្រឹត្តសុទ្ធតែជារឿងដ៏សំខាន់សម្រាប់ធ្វើឲ្យខ្លួនឯងរីកលូតលាស់ទៅមុខ។
២) ប្រុងប្រយ័ត្នសំដីដែលអ្នកនិយាយកាន់ខ្លួនឯង ព្រោះខ្លួនអ្នកជាអ្នកស្ដាប់និងពិចារណា
ការនិយាយស្តីបន្ទោសខ្លួនឯងអាចជារឿងមួយដ៏អាក្រក់ដែលអាចបំផ្លាញខ្លួនឯង ជាពិសេសបន្ទាប់ពីទទួលភាពបរាជ័យ ដូច្នេះអ្នកមិនគួរធ្វើឲ្យការស្តីបន្ទោសខ្លួនឯងបង្កទៅជាអារម្មណ៍រំខានមួយសម្រាប់ខ្លួនឯងនោះទេ។ ដូច្នេះអ្នកគួរតែសុខចិត្តទទួលយកភាពខកចិត្តបន្តិចសិនចុះ ហើយចាប់ផ្ដើមធ្វើអ្វីៗគ្រប់យ៉ាងដែលអ្នកអាចធ្វើបានដើម្បីធ្វើឲ្យខ្លួនឯងមានអារម្មណ៍វិជ្ជមានឡើងវិញ។
៣) វាកាន់តែប្រសើរថែមទៀតប្រសិនបើអ្នកបានធ្វើរឿងអ្វីមួយទោះបីជាវាមិនទាន់ល្អឥតខ្ចោះ គឺប្រសើរជាងអ្នកមិនបានធ្វើអ្វីសោះ
ការបរាជ័យពិតប្រាកដរបស់មនុស្សគឺជាការដែលមិនបានធ្វើអ្វីសោះសម្រាប់ខ្លួនឯងនិងអ្នកដទៃ ព្រោះនៅពេលដែលអ្នកមិនបានធ្វើអ្វីសោះ នោះមានន័យថាអ្នកមិនមានការផ្លាស់ប្ដូរខ្លួនឯងឲ្យកាន់តែប្រសើរនោះឡើយ ដែលនេះហើយជាកត្តាដែលឈានទៅរកភាពបរាជ័យពិតប្រាកដសម្រាប់ខ្លួនឯង។ ដូច្នេះការសម្រេចចិត្តធ្វើដើម្បីបរាជ័យ ដែលជាជំហានចាប់ផ្ដើមទៅរកភាពជោគជ័យគឺជារឿងល្អបំផុត ប្រសើរជាងអ្នកមិនបានធ្វើអ្វីសោះ។
៤) កុំខ្វល់ខ្វាយពីភាពបរាជ័យក្នុងអតីតកាល ត្រូវផ្ដោតសំខាន់ពីវិធីចាប់ផ្ដើមសាជាថ្មី
បើទោះបីជារឿងនៅក្នុងអតីតកាលដែលយើងបានធ្វើមិនទទួលលទ្ធផលល្អដូចការរំពឹងទុករបស់យើងក៏ដោយ តែយើងមិនគួរឲ្យភាពបរាជ័យកន្លងមកនោះបន្តដឹកមុខយើងតទៅទៀតដែរ។ ទោះបីជាអតីតកាលមិនល្អតែអនាគតកាលអាចនឹងល្អជាងការនឹងស្រមៃចង់បានរបស់អ្នក។ ដូច្នេះអ្នកមិនគួរមានការភ័យខ្លាចដើម្បីបង្ហាញចេញពីភាពបរាជ័យរបស់អ្នកនៅក្នុងអតីតកាលនោះទេ អ្នកគួរតែបង្ហាញវាចេញមកក្រៅ ប៉ុន្តែអ្វីដែលអ្នកត្រូវផ្ដោតយកចិត្តទុកដាក់ទៅសកម្មភាពទៅថ្ងៃអនាគត។
៥) សត្រូវដ៏ធំបំផុតនៃភាពជោគជ័យ គឺការភ័យខ្លាចនៃការបរាជ័យចំពោះខ្លួនឯង
មិនត្រឹមតែភាពបរាជ័យតែមួយនោះទេដែលធ្វើឲ្យយើងគ្រោះថ្នាក់ ការភ័យខ្លាចចំពោះបរាជ័យគឺជារឿងមួយកាន់តែគ្រោះថ្នាក់ថែមទៀតសម្រាប់ខ្លួនឯង ។ អ្នកគួរតែចូលឲ្យជិតនៅភាពភ័យខ្លាចទាំងនោះហើយចាប់ផ្ដើមគ្រប់គ្រងលើវា ជាជាងឲ្យវាគ្រប់គ្រងលើខ្លួនអ្នក។ ដូច្នេះនៅពេលដែលអ្នកអាចគ្រប់គ្រងនិងបន្សាបភាពភ័យខ្លាចចំពោះការបរាជ័យក្នុងខ្លួនបានហើយ នោះការងារពិតរបស់អ្នកក៏ចាប់ផ្ដើមលេចជារូបរាងដែរ។
៦) រក្សាលំនឹងនៃសកម្មភាពការងារខ្លួន ដើម្បីទទួលបានលំនឹងនៃលទ្ធផលពីការធ្វើ
ភាពខ្លាំងរបស់ខ្លួនមនុស្សមិនមែនបានមកពីរឿងដែលអ្នកអាចធ្វើបាននោះទេ គឺវាកើតចេញពីរឿងអ្វីដែលអ្នកគិតថាអ្នកមិនអាចធ្វើបាន។ ដូច្នេះការធ្វើសកម្មភាពរាល់ថ្ងៃគឺជារឿងសំខាន់បំផុត ជាងរឿងដែលអ្នកធ្វើតែមួយរយៈពេលខ្លី ព្រោះការបន្តសកម្មភាពធ្វើឥតឈប់ឈរគឺជាកូនសោទៅកាន់ភាពជោគជ័យ។
0 comments:
Post a Comment